IPL: આજે બેંગ્લૉરની ટક્કર મુંબઇની સામે, અત્યાર સુધી આઇપીએલમાં કઇ ટીમનો હાથ રહ્યો છે ઉપર

આંકડા દર્શાવે છે કે અત્યાર સુધી મુંબઈ ઈન્ડિયન્સ અને રોયલ ચેલેન્જર્સ બેંગ્લોર 32 વખત આમને સામને આવી ચૂક્યા છે.

(તસવીર- સોશ્યલ મીડિયા પરથી)

MI vs RCB Head To Head: મુંબઈ ઈન્ડિયન્સ અને રોયલ ચેલેન્જર્સ બેંગ્લોર જીતવાના ઈરાદા સાથે વાનખેડે સ્ટેડિયમમાં ઉતરશે. પરંતુ હાર્દિક પંડ્યાની ટીમ માટે રોયલ ચેલેન્જર્સ બેંગ્લોરને હરાવવું આસાન નહીં હોય. વાસ્તવમાં, આંકડા દર્શાવે છે કે છેલ્લી 5 મેચોમાં રોયલ ચેલેન્જર્સ બેંગ્લોરે 4 વખત મુંબઈ ઈન્ડિયન્સને હરાવ્યું છે, પરંતુ મુંબઈ ઈન્ડિયન્સ માત્ર એક જ વખત જીતવામાં સફળ રહી છે. જો કે, એકંદર રેકોર્ડ પર નજર કરીએ તો, મુંબઈ ઈન્ડિયન્સનો હાથ ઉપર છે. મુંબઈ ઈન્ડિયન્સને રોયલ ચેલેન્જર્સ બેંગ્લોર સામે સતત 4 મેચમાં હારનો સામનો કરવો પડ્યો હતો, પરંતુ ગત સિઝનમાં મુંબઈ ઈન્ડિયન્સે હારનો સિલસિલો તોડી નાખ્યો હતો.

ઓવરઓલ આંકડા મુંબઇ ઇન્ડિયન્સની બેસ્ટ, પરંતુ..... 
આંકડા દર્શાવે છે કે અત્યાર સુધી મુંબઈ ઈન્ડિયન્સ અને રોયલ ચેલેન્જર્સ બેંગ્લોર 32 વખત આમને સામને આવી ચૂક્યા છે. જેમાં મુંબઈ ઈન્ડિયન્સ 18 વખત જ્યારે રોયલ ચેલેન્જર્સ બેંગ્લોર 14 વખત જીત્યું છે. આ રીતે, એકંદર આંકડામાં હાર્દિક પંડ્યાની ટીમ ચોક્કસપણે ઉપર છે, પરંતુ છેલ્લી 5 મેચમાં રોયલ ચેલેન્જર્સ બેંગ્લોરનો દબદબો રહ્યો છે. તો આજે વાનખેડેમાં કઈ ટીમને સફળતા મળે છે તે જોવું રસપ્રદ રહેશે.

રૉયલ ચેલેન્જર્સ બેંગ્લૉરને પહેલા આઇપીએલ ટાઇટલનો ઇન્તજાર 
ફાફ ડૂ પ્લેસિસની કપ્તાની હેઠળની રોયલ ચેલેન્જર્સ બેંગ્લોર તેના પ્રથમ આઈપીએલ ખિતાબની રાહ જોઈ રહી છે, પરંતુ મુંબઈ ઈન્ડિયન્સે રેકોર્ડ 5 વખત આઈપીએલ ટ્રોફી જીતી છે. જોકે, રોયલ ચેલેન્જર્સ બેંગ્લોર ત્રણ વખત ફાઇનલમાં પહોંચી છે, પરંતુ તેમાં સફળતા મળી નથી. અત્યાર સુધી મુંબઈ ઈન્ડિયન્સ 6 વખત આઈપીએલ ફાઇનલમાં પહોંચી છે જેમાંથી તે 5 વખત ટાઈટલ જીતવામાં સફળ રહી છે. રોયલ ચેલેન્જર્સ બેંગ્લોર 2009, 2011 અને 2016માં ફાઇનલમાં પહોંચી હતી. મુંબઈ ઈન્ડિયન્સની વાત કરીએ તો, 2010 સિવાય, તે 2013, 2015, 2017, 2019 અને 2020માં ફાઇનલમાં પહોંચવામાં સફળ રહી હતી.