IPL: પ્લેઓફમાં પહોંચવા માટે રાજસ્થાને રમ્યો મોટો દાંવ, કુલ્ટર-નાઇલની જગ્યાએ આ ધાકડ ખેલાડીને કર્યો કર્યો સાઇન

ઓસ્ટ્રેલિયાના કૂલ્ટર-નાઇલને આઇપીએલની પહેલી જ મેચમાં એટલે કે શરૂઆતથી જ ઇજા પહોંચી હતી, અને તે માત્ર 3 ઓવર જ બૉલિંગ કરી શક્યો હતો.

(પ્રતિકાત્મક તસવીર)

Corbin Bosch Joins Rajasthan Royals: રાજસ્થાન રૉયલ્સે આઇપીએલ 2022માં છેલ્લા તબક્કાની મેચો જીતીને પ્લેઓફમાં જગ્યા પાક્કી કરવા માટે મોટો દાંવ રમ્યો છે. રાજસ્થાન રૉયલ્સે આ સિઝનમાં ઇજાગ્રસ્ત થયેલા કૂલ્ટર-નાઇલની જગ્યાએ દક્ષિણ આફ્રિકાનો 27 વર્ષીય ધાકડ ઓલરાઉન્ડર કૉર્બિન બૉશને તાત્કાલિક ધોરણે ટીમમાં સામેલ કર્યો છે. કૉર્બિન બૉશ હવે ટીમમાં કૂલ્ટર-નાઇલની રિપ્લેસમેન્ટ તરીકે જોડાશે. તેના જોડાવવાથી ટીમમાં બૉલિંગ અને બેટિંગ બન્નેમાં મજબૂત મળશે. 

ટીમ સાથે જોડાયો કૉર્બિન બૉશ-
રાજસ્થાન રૉયલ્સે તેને તેની બેઝ પ્રાઇસ 20 લાખ રૂપિયાની કિંમત સાથે જ જોડ્યો છે. તે આઇપીએલ 2022 હરાજીમાં સામેલ થયો હતો, પરંતુ તેને કોઇપણ ટીમે ખરીદ્યો ન હતો. દક્ષિણ આફ્રિકાના આ 27 વર્ષીય ઓલરાઉન્ડરે અત્યાર સુધી 30 ટી20 મેચો રમી છે. આ દરમિયાન તેને 151 રન બનાવ્યા છે, અને 18 વિકેટો ઝડપી છે. તે નેટ બૉલર તરીકે ટીમમાં પહેલાથી જ જોડાયેલો હતો. આવામાં આ તેના જોડાવવાથી રાજસ્થાનને એક ઓલરાઉન્ડર ખેલાડી મળી ગયો છે. 

ઉલ્લેખનીય છે કે ઓસ્ટ્રેલિયાના કૂલ્ટર-નાઇલને આઇપીએલની પહેલી જ મેચમાં એટલે કે શરૂઆતથી જ ઇજા પહોંચી હતી, અને તે માત્ર 3 ઓવર જ બૉલિંગ કરી શક્યો હતો. આ પછી તે ઇજાના કારણે આઇપીએલમાંથી બહાર થઇ ગયો હતો. 

આ પણ વાંચો.......