RR vs CSK Live Streaming: જીત સાથે અભિયાનની શરૂઆત કરવા માંગશે રાજસ્થાન અને ચેન્નઈ
RR vs CSK Live Streaming: IPL 2026 શરૂ થઈ ગઈ છે. સોમવારે ગુવાહાટીમાં પાંચ વખતની ચેમ્પિયન ચેન્નઈ સુપર કિંગ્સ (CSK) અને રાજસ્થાન રોયલ્સ વચ્ચે સીઝનની ત્રીજી મેચ રમાશે.
RR vs CSK Live Streaming: IPL 2026 શરૂ થઈ ગઈ છે. સોમવારે ગુવાહાટીમાં પાંચ વખતની ચેમ્પિયન ચેન્નઈ સુપર કિંગ્સ (CSK) અને રાજસ્થાન રોયલ્સ વચ્ચે સીઝનની ત્રીજી મેચ રમાશે. બંને ટીમો ગત સીઝનના નિરાશાજનક પ્રદર્શનને પાછળ છોડીને નવી શરૂઆત કરવાનો પ્રયાસ કરશે.
Superfans, are you ready? 🤩
— Chennai Super Kings (@ChennaiIPL) March 26, 2026
This summer, all you need is Yellove and #WhistlePodu for the Super Kings! 💛🥳#IPL2026 pic.twitter.com/FpUKEAu31X
આ મેચનું સૌથી રસપ્રદ પાસું સંજુ સેમસન તેની ભૂતપૂર્વ ટીમ રાજસ્થાન સામે રમશે. લાંબા સમય સુધી ટીમનું નેતૃત્વ કરનાર સેમસન હવે ચેન્નઈ માટે રમશે. તાજેતરના T20 વર્લ્ડ કપમાં તેના પ્રભાવશાળી પ્રદર્શન પછી સેમસન આત્મવિશ્વાસથી ભરપૂર છે અને CSKમાં કેપ્ટન રુતુરાજ ગાયકવાડ સાથે મુખ્ય ભૂમિકા ભજવી શકે છે. દરમિયાન ધોની ઈજાને કારણે શરૂઆતની મેચોમાં રમી શકશે નહીં જેના કારણે ટીમમાં યુવા ખેલાડીઓ માટે તકો ઊભી થશે.
જાડેજાની રાજસ્થાનમાં વાપસી
બીજી બાજુ, આ રાજસ્થાન માટે એક નવા યુગની શરૂઆત દર્શાવે છે જ્યાં ટીમનું નેતૃત્વ રિયાન પરાગ કરી રહ્યો છે. રવિન્દ્ર જાડેજાની વાપસીથી ટીમમાં અનુભવનો ઉમેરો થયો છે, જ્યારે યશસ્વી જયસ્વાલ પર બેટિંગમાં મહત્વપૂર્ણ જવાબદારી રહેશે. જોકે, ટીમની બોલિંગ ચિંતાનો વિષય છે અને તેમાં સુધારો કરવાની જરૂર રહેશે. બંને ટીમોનું ગયા સીઝનમાં નિરાશાજનક પ્રદર્શન રહ્યું હતું, જેમાં ચેન્નઈ પોઈન્ટ ટેબલમાં સૌથી નીચે રહી હતી અને રાજસ્થાનની ટીમ નવમા સ્થાને રહી હતી. આ મેચ બંને ટીમો માટે નવી શરૂઆત કરવા અને તેમના અભિયાનોને મજબૂત બનાવવા માટે એક શ્રેષ્ઠ તક સાબિત થઈ શકે છે.
રાજસ્થાન રોયલ્સ અને ચેન્નઈ સુપર કિંગ્સ વચ્ચે IPL 2026ની મેચ ભારતીય સમય મુજબ સાંજે 7:30 વાગ્યે શરૂ થશે. ટોસ અડધો કલાક પહેલા ભારતીય સમય મુજબ સાંજે 7:00 વાગ્યે થશે.દર્શકો સ્ટાર સ્પોર્ટ્સ ચેનલો પર મેચ જોઈ શકશે. આ મેચ JioHotstar એપ પર પણ લાઈવ સ્ટ્રીમ કરવામાં આવશે.
ટોપ સ્ટોરી
ટ્રેન્ડિંગ સમાચાર
