ઈંગ્લેન્ડ સામે બીજી ઈનિંગમાં 5 વિકેટ લેવા છતાં બુમરાહ થઈ રહ્યો છે ટ્રોલ, જાણો વિગત

જસપ્રીત બુમરાહના નો બોલના કારણે ભારત મુશ્કેલીમાં આવ્યું હોય તેવું પ્રથમ વખત નથી બન્યું. ગત વર્ષે ચેમ્પિયન્સ ટ્રોફીની ફાઇનલમાં પાકિસ્તાની ઓપનર ફખર જમાનને સસ્તામાં આઉટ કર્યો તે બોલ પણ નો બોલ હતો અને મોકાનો ફાયદો ઉઠાવી તેણે શાનદાર સદી મારી ભારત પાસેથી મેચ છીનવી લીધી હતી.

બુમરાહના નો બોલ પછી તે સોશિયલ મીડિયા પર ટ્રોલ થઈ રહ્યો છે. જોકે તેમ છતાં બુમરાહને ભારતને જીતની નજીક લાવવાનું શ્રેય આપવામાં આવે છે. તેણે 85 રન આપીને 5 વિકેટ લીધી છે. બુમરાહે ચોથા દિવસે બટલર અને બેન સ્ટોક્સ વચ્ચે પાંચમી વિકેટની 169 રનની પાર્ટનરશિપ તોડી હતી. સતત બે બોલમાં બે વિકેટ લઈ ઇંગ્લેન્ડને બેક ફૂટ પર લાવી દીધું હતું.