FIFA World Cup 2026માં વધુ એક ઉલટફેર, મોરક્કોએ નેધરલેન્ડ્સને પેનલ્ટી શૂટઆઉટમાં હરાવ્યું

રાઉન્ડ ઓફ 32મા રાઉન્ડના બીજા દિવસે બે મેચ પેનલ્ટી શૂટઆઉટમાં ગઈ અને બે ફૂટબોલ પાવરહાઉસ ફિફા વર્લ્ડ કપમાંથી બહાર થઈ ગયા

રાઉન્ડ ઓફ 32મા રાઉન્ડના બીજા દિવસે બે મેચ પેનલ્ટી શૂટઆઉટમાં ગઈ

Source : Morocco Football Social Media

Show Quick Read

Key points generated by AI, verified by newsroom

• ૨૦૨૬ ફિફા વર્લ્ડ કપ રાઉન્ડ ૩૨માં મોરક્કોએ નેધરલેન્ડ્સને હરાવ્યું.
• પૂર્ણ સમયની મેચ ૧-૧ ની બરાબરી પછી પેનલ્ટી શૂટઆઉટમાં ગઈ.
• મોરક્કોએ પેનલ્ટી શૂટઆઉટમાં નેધરલેન્ડ્સને ૩-૨ થી હરાવી જીત મેળવી.
• ગોલકીપર યાસીન બોનોના શાનદાર પ્રદર્શનથી મોરક્કો રાઉન્ડ ૧૬માં પહોંચ્યું.

2026ના ફિફા વર્લ્ડ કપના રાઉન્ડ ઓફ 32ની ચોથી મેચમાં વર્જિલ વાન જિકની કેપ્ટનશીપ હેઠળના નેધરલેન્ડ્સનો અશરફ હકીમીની કેપ્ટનશીપ હેઠળની મોરક્કો ટીમ સામે પરાજય થયો. એસ્ટાડિયો સ્ટેડિયમ ખાતે પેનલ્ટી શૂટઆઉટમાં મોરક્કોએ મેચ જીતી. રાઉન્ડ ઓફ 32મા રાઉન્ડના બીજા દિવસે બે મેચ પેનલ્ટી શૂટઆઉટમાં ગઈ અને બે ફૂટબોલ પાવરહાઉસ ફિફા વર્લ્ડ કપમાંથી બહાર થઈ ગયા. પેરાગ્વેએ જર્મનીને બહાર કરી દીધું અને હવે મોરક્કોએ નેધરલેન્ડ્સને ટુર્નામેન્ટમાંથી બહાર કરી દીધું છે.

પૂર્ણ સમય પછી સ્કોર 1-1 થી બરાબરી પર રહ્યો. 30 મિનિટના વધારાના સમય પછી કોઈ ગોલ થયો નહીં, જેના કારણે સ્કોર 1-1થી બરાબરી પર રહ્યો. ત્યારબાદ પરિણામ પેનલ્ટી શૂટઆઉટમાં ગયું. મોરક્કોએ પેનલ્ટી શૂટઆઉટમાં નેધરલેન્ડ્સને 3-2 થી હરાવીને રાઉન્ડ ઓફ 16માં પ્રવેશ કર્યો. મોરક્કોનું વર્તમાન ફિફા રેન્કિંગ છઠ્ઠા સ્થાને છે, જ્યારે નેધરલેન્ડ્સ સાતમા સ્થાને છે.

Morocco make their way into the Round of 16! 🇲🇦 #FIFAWorldCup

— FIFA World Cup (@FIFAWorldCup) June 30, 2026

અંતિમ મિનિટો સુધી રોમાંચક મુકાબલો ચાલુ રહ્યો

મેચ શરૂઆતથી જ જોરદાર સ્પર્ધા જોવા મળી હતી. 71મી મિનિટે ડચ સ્ટાર કોડી ગાકપોએ શાનદાર ગોલ કરીને નેધરલેન્ડ્સને 1-0ની મહત્વપૂર્ણ લીડ અપાવી. એવું લાગતું હતું કે આ એક જ ગોલના કારણે રોનાલ્ડ કોમેનની ટીમ આગળના રાઉન્ડમાં આગળ વધશે અને મોરક્કોની સફર પૂરી થશે. પરંતુ આફ્રિકન લાયન્સે હાર માનવાનો ઇનકાર કર્યો. ઈન્જરી  ટાઈમમાં (90+1 મિનિટ), ઇસા ડિઓપે ડચ ડિફેન્સને ભેદીને ગોલ કર્યો હતો અને સ્કોર 1-1 પર બરાબર કર્યો 

શૂટઆઉટમાં મોરક્કોનો વિજય 

ત્યારબાદ પેનલ્ટી શૂટઆઉટમાં દબાણ એટલું હતું કે બંને ટીમોના ખેલાડીઓ એક પછી એક ચૂકી ગયા. મોરક્કો માટે નીલ અલ એનોઈનો શોટથી ગોલ થયો જ્યારે સ્ટાર ખેલાડી અશરફ હકીમીનો શોટ પોસ્ટ પર અથડાયો. બીજી બાજુ, નેધરલેન્ડ્સનું પણ ખરાબ નસીબ હતું, જસ્ટિન ક્લુઇવર્ટ અને ક્વિન્ટન ટિમ્બર સીધા જ તેમના શોટ ચૂકી ગયા. ડચ ટીમ માટે ફક્ત ટ્યુન કુપમીનર્સ અને વાઉટ વેઘોર્સ્ટ જ બોલને નેટમાં પહોંચાડવામાં સફળ રહ્યા, જ્યારે મોરક્કો માટે સોફિયન રહીમી અને ચેમ્સેડિન તાલ્બીએ ગોલ કરી શક્યા હતા.

2-2 ના નિર્ણાયક તબક્કે શૂટઆઉટ સાથે મોરક્કોના અનુભવી ગોલકીપર યાસીન બોનોએ પોતાનો સાચો જાદુ બતાવ્યો. જેમ જેમ નેધરલેન્ડ્સનો ક્રેસેન્સિયો સોમરવિલે અંતિમ પેનલ્ટી લેવા આવ્યો બોનોએ શાનદાર ડાઇવ લગાવી બોલ રોક્યો પછી તરત જ મોરક્કોના ઇસ્માઇલ સાઈબારીએ બોલને નેટમાં નાખ્યો અને  મોરક્કોએ શૂટઆઉટ 3-2 થી જીતીને ઇતિહાસ રચ્યો