‘લેમ્બોર્ગિનીમાંથી એસ્ટન માર્ટિન બની ગયો છે મહેન્દ્ર સિંહ ધોની’

નવી દિલ્હીઃ ઓસ્ટ્રેલિયા સામેની ત્રીજી અને નિર્ણાયક વન ડેમાં 87 રનની અણનમ ઈનિંગ રમીને ટીમ ઈન્ડિયાને 2-1થી શ્રેણી જીતાડ્યા બાદ મહેન્દ્ર સિંહ ધોનીની ચારેબાજુથી પ્રશંસા થઈ રહી છે. પરંતુ ઓસ્ટ્રેલિયાના પૂર્વ ક્રિકેટર માઇકલ ક્લાર્કે અલગ રીતે જ ધોનીની પ્રશંસા કરી હતી.

મેલબોર્ન વન ડે દરમિયાન કોમેન્ટ્રી કરી રહેલા કલાર્કે કહ્યું કે, ધોની લેમ્બોર્ગિનીથી એસ્ટન માર્ટિન બની ગયો છે. તે હજુ પણ અવિશ્વસનીય છે. તેણે કઈંક સમજૂતી કરી છે. તે ખૂબ વધારે અનુભવી છે અને તેની રમતને સારી રીતે સમજે છે. તે હજુ પણ નોન સ્ટ્રાઇક પર ઉભેલા સાથી ખેલાડીને વધારે મહત્વ આપે છે.