શોધખોળ કરો
Advertisement
રાતે હતો 102 ડિગ્રી તાવ, બીજા દિવસે સવારે ફટકારી ટ્રિપલ સેન્ચુરી, 30 ચોગ્ગા અને 8 છગ્ગા ફટકાર્યા
રણજી ટ્રોફીમાં છઠ્ઠા નંબરે રમતા કોઈ ક્રિકેટરે અત્યાર સુધીમાં ફક્ત ત્રણવાર તેવડી સદી ફટકારી છે.
નવી દિલ્હીઃ રણજી ટ્રોફીમાં બુધવારે મુંબઈ અને ઉત્તર પ્રદેશની વચ્ચે રમાયેલ મેચ ડ્રો ગઈ હતી. મુંબઈમાં રમાયેલ હાઈ સ્કોરિંગ આ મેચમાં બન્ને ટીમે 600થી વધારે રન બનાવ્યા હતા. મુંબઈ તરફતી 22 વર્ષના સરફરાઝે શાનદાર અંદાજમાં અણનમ ત્રિપલ સેન્ચુરી ફટકારી હતી.
મેચ દરમિયાન બન્ને તરફથી રનના ઢગલા થયા હતા. આ જ કારણ હતું કે ઉત્તર પ્રદેશ તરફથી એક ડબલ સેન્ચુરી, એક સેન્ચુરી અને એક હાફ સેન્ચુરી લગાવી જ્યારે મુંબઈ તરફથી એક ત્રિપલ સેન્ચુરી અને ચાર હાફ સેન્ચુરી લાગી હતી.
મેચ પૂરો થયા બાદ મુંબઈના બેટ્સમેન સરફરાજે ખુલાસો કર્યો કે તેને આગલે દિવસે 102 ડિગ્રી તાવ હતો. તેમ છતા બીજા દિવસે તેણે સહેવાગની સ્ટાઇલમાં ધમાકેદાર બેટિંગ કરતા ટ્રિપલ સદી ફટકારી હતી. તેણે કહ્યું કે, ‘2-3 દિવસથી મારી તબીયત ખરાબ હતી. તેમ છતા મને લાગ્યું કે જો હું ક્રિઝની એકબાજુએ ટકી રહીશ તો મેચનું પલડુ અમારી તરફ નમી શકે છે. બીજા દિવસની તુલનામાં ત્રીજા દિવસે પહેલા તબીયત સારી હતી જોકે બપોર બાદ મને તાવની શરુઆત થઈ હતી. પરંતુ મે હાર ન માની અને ટીમ માટે મેદાન પર ટક્યો રહ્યો.’
રણજી ટ્રોફીમાં છઠ્ઠા નંબરે રમતા કોઈ ક્રિકેટરે અત્યાર સુધીમાં ફક્ત ત્રણવાર તેવડી સદી ફટકારી છે. રણજી ટ્રોફીના ઇતિહાસમાં કરુણ નાયર બાદ છઠ્ઠા નંબરે બેટિંગ કરતા ટ્રિપલ સેન્ચ્યુરી ફટકારનાર સરફરાઝ બીજા બેટ્સમેન છે. આ પહેલા મુંબઈ માટે ટ્રિપલ સેન્ચ્યુરી ફટકારનાર દિગ્ગજ બેટ્સમેન રોહિત શર્મા હતા.
Khelo khul ke, sab bhool ke - only on Games Live
વધુ જુઓ
Advertisement
ટ્રેન્ડિંગ સમાચાર
Advertisement
Advertisement
ટોપ સ્ટોરી
ક્રિકેટ
ગુજરાત
ગુજરાત
ક્રિકેટ
Advertisement