Neeraj Chopra: નીરજ ચોપડાનો ભાલો ચોરાયો, ગામના ચોકમાં મુકેલી પ્રતિમાના હાથમાંથી ભાલો લઇને ચોરો ફરાર
વર્લ્ડ ચેમ્પિયનશિપમાં ગૉલ્ડ મેડલ જીત્યા પછી નીરજે ઝ્યૂરિચ ડાયમંડ લીગમાં ભાગ લીધો, જ્યાં તે પોતાનું શ્રેષ્ઠ પ્રદર્શન કરી શક્યો નહીં, પરંતુ 85.71 મીટરના થ્રૉ સાથે બીજા સ્થાને રહેવામાં સફળ રહ્યો.
Neeraj Chopra: ભારતના સ્ટાર જેવલિન થ્રૉઅર નીરજ ચોપડા પર આખા દેશને ગર્વ છે, નીરજ ચોપડાએ ઓલિમ્પિકમાં ભારતને ગૉલ્ડ મેડલ અપાવ્યો હતો. નીરજ ચોપડા હાલમાં પોતાની રમતના કારણે ચર્ચામાં છે. મેરઠ શહેરમાં તેમના સન્માનમાં સ્થાપિત તેમની પ્રતિમામાંથી ભાલાની ચોરીની ઘટના પ્રકાશમાં આવી છે. મેરઠના હાપુડ અડ્ડા ચોકમાં નીરજ ચોપરાની વિશાળ પ્રતિમા સ્થાપિત છે, જેને સ્પૉર્ટ્સ સ્ક્વેર તરીકે પણ ઓળખવામાં આવે છે. આ આંતરછેદના બ્યૂટિફિકેશન દરમિયાન નીરજ ચોપડાની ભાલા સાથેની પ્રતિમા સ્થાપિત કરવામાં આવી હતી. હવે ચોરીની ઘટના પ્રકાશમાં આવ્યા બાદ મેરઠ પોલીસે આ મામલે તપાસ શરૂ કરી છે.
આ વર્ષે અત્યાર સુધી નીરજ ચોપરાનું ફોર્મ ઘાતક જોવા મળી રહ્યું છે. ડાયમંડ લીગમાં નીરજે ફાઈનલમાં પોતાનું સ્થાન ચોક્કસ કરી લીધું છે. વળી, તાજેતરની વર્લ્ડ ચેમ્પિયનશિપમાં નીરજે 88.17 મીટરના અંતરે ભાલો ફેંકીને ગૉલ્ડ મેડલ જીત્યો હતો. આ સાથે નીરજ ઓલિમ્પિકમાં ગૉલ્ડ મેડલ જીતનાર અને વર્લ્ડ ચેમ્પિયન બનનાર વિશ્વનો ત્રીજો જેવેલિન થ્રૉઅર બન્યો છે.
વર્લ્ડ ચેમ્પિયનશિપમાં ગૉલ્ડ મેડલ જીત્યા પછી નીરજે ઝ્યૂરિચ ડાયમંડ લીગમાં ભાગ લીધો, જ્યાં તે પોતાનું શ્રેષ્ઠ પ્રદર્શન કરી શક્યો નહીં, પરંતુ 85.71 મીટરના થ્રૉ સાથે બીજા સ્થાને રહેવામાં સફળ રહ્યો. આ સાથે નીરજ 17મી સપ્ટેમ્બરના રોજ યૂજેન, યૂએસએમાં યોજાનારી ડાયમંડ લીગની ફાઇનલમાં ક્વૉલિફાય કરવામાં સફળ રહ્યો હતો.
વર્લ્ડ ચેમ્પિયનશીપ જીતવા પર નીરજને મળી 50 લાખથી વધુની પ્રાઇસ મની -
વર્લ્ડ એથ્લેટિક્સ ચેમ્પિયનશિપ 2023માં ગૉલ્ડ મેડલ જીતવા પર નીરજ ચોપરાને ઈનામી રકમ તરીકે 70 હજાર યૂએસ ડૉલર મળ્યા, જે ભારતીય રૂપિયા અનુસાર લગભગ 58 લાખ રૂપિયા છે. સ્વિત્ઝર્લેન્ડ ટુરિઝમે પણ 25 વર્ષીય નીરજને તેના શાનદાર પ્રદર્શન માટે સન્માનિત કર્યા છે અને તેને ભવિષ્ય માટે શુભકામનાઓ પાઠવી છે.
ઝુરિચ ડાયમંડ લીગમાં નીરજ ચોપડા ન જીતી શક્યો ગોલ્ડ
ભારતીય સ્ટાર જેવલિન થ્રોઅર નીરજ ચોપરાને ઝ્યુરિચ ડાયમંડ લીગમાં સિલ્વર મેડલથી જ સંતોષ માનવો પડ્યો હતો. ડાયમંડ લીગના આ તબક્કામાં પણ થોડા દિવસો પહેલા બુડાપેસ્ટમાં એથ્લેટિક્સ વર્લ્ડ કપમાં 88.17 મીટરમાં ગોલ્ડ મેડલ જીતનાર નીરજ પાસેથી દરેકને ગોલ્ડ મેડલની અપેક્ષા હતી, પરંતુ નીરજને માત્ર સિલ્વર મેડલથી જ સંતોષ માનવો પડ્યો હતો. નીરજ ચોપરાએ ઝ્યુરિચ ડાયમંડ લીગમાં 85.71 મીટરનો સર્વશ્રેષ્ઠ થ્રો કર્યો હતો. આ ઈવેન્ટમાં ગોલ્ડ મેડલ જીતનાર ચેક રિપબ્લિકના જેકબ વાડલેચે 85.86 મીટરનો થ્રો કર્યો હતો. આ ઈવેન્ટમાં નીરજે તેના પહેલા 3 પ્રયાસમાં ફાઉલ કર્યો હતો. તેના ચોથા પ્રયાસમાં નીરજે 85.22 મીટરનો થ્રો કર્યો હતો. આ પછી નીરજે પાંચમા પ્રયાસમાં ફરી ફાઉલ કર્યો. હવે નીરજ તેના છેલ્લા પ્રયાસમાં 85.71 મીટર ફેંકીને બીજા સ્થાને આવવામાં સફળ રહ્યો. આ પહેલા નીરજે દોહા અને લુસાનમાં યોજાયેલી ડાયમંડ લીગ લેગ્સમાં ગોલ્ડ મેડલ જીત્યો હતો. આ સાથે નીરજે ડાયમંડ લીગની ફાઈનલ માટે પણ ક્વોલિફાય કરી લીધું છે.
ડાયમંડ લીગની ફાઈનલ 16 સપ્ટેમ્બરથી અમેરિકામાં રમાશે
ડાયમંડ લીગની ફાઇનલ મેચ 16 અને 17 સપ્ટેમ્બરે અમેરિકાના યુજેનમાં રમાશે. ગત વખતે નીરજે આ ઈવેન્ટ જીતી હતી. આ 6 ટોચના ભાલા ફેંકનારાઓ ડાયમંડ લીગની ફાઇનલમાં જગ્યા બનાવવામાં સફળ થયા છે, જેમાં નીરજ ત્રીજા સ્થાને છે. હાલમાં વેડલેચ પ્રથમ સ્થાને છે જ્યારે જર્મનીના જુલિયન વેબર બીજા સ્થાને છે. નીરજ ડાયમંડ લીગની મોનાકો લેગ રમી શક્યો ન હતો. આ કારણે તે 23 પોઈન્ટ સાથે ત્રીજા સ્થાને છે. નીરજ ઉપરાંત, ભારતના લાંબી કૂદના ખેલાડી મુરલી શ્રીશંકરે 7.99 મીટરના જમ્પ સાથે ડાયમંડ લીગની ફાઇનલમાં પ્રવેશ કર્યો છે. ભારત માટે એથ્લેટિક્સ તરફથી વધુ એક સારા સમાચાર આવ્યા હતા. લોંગ જમ્પર મુરલી શ્રીશંકરે પણ ડાયમંડ લીગ ફાઇનલમાં પોતાનું સ્થાન નિશ્ચિત કર્યું. લોંગ જમ્પર શ્રીશંકર ઝુરિચ ડાયમંડ લીગમાં પાંચમા સ્થાને રહ્યો હતો. લાંબી કૂદમાં શ્રીશંકરે 14 પોઈન્ટ સાથે ચાર તબક્કાને જોડીને ત્રીજું સ્થાન મેળવ્યું, જેના કારણે તે ફાઇનલમાં પહોંચવામાં સફળ રહ્યો હતો
ટોપ સ્ટોરી
ટ્રેન્ડિંગ સમાચાર
