'હિટમેન'ની બેટિંગ પર ફિદા થયો ભારતનો પૂર્વ કેપ્ટન, કહ્યું- રોહિત ટેસ્ટમાં રિચર્ડ્સ, સેહવાગ જેવો ખતરનાક બેટ્સમેન બની શકે છે

ગાવસ્કરે લખ્યું છે કે, વિન્ડિઝ સામેની વનડે અને ટી20 સીરિઝમાં રોહિત શર્માએ શાનદાર પ્રદર્શન કર્યું છે. આવું પહેલા વિરેન્દ્ર સેહવાગ કરતો હતો. એક વખત વિરુનું બેટ ચાલવા લાગે તો તેને રન બનાવતો રોકવો મુશ્કેલ કામ હતું. વિરુને પણ શતક માર્યા બાદ સંતોષ થતો નહોતો. જ્યારે તે કોઈ બોલને મેદાનથી બહાર મોકલવાની કોશિશમાં આઉટ થઈ જતો ત્યારે મેદાનમાં વાતો શરૂ થઈ જતી હતી. રોહિત પણ જ્યારે કોઈ બેદરકારીભર્યો શોટ મારીને આઉટ થઈ જાય છે ત્યારે આવી વાતો ચાલુ થઈ જાય છે.

સુનીલ ગાવસ્કરે એમ પણ કહ્યું કે, સફેદ બોલની જેમ જો રોહિત શર્મા લાલ બોલથી પણ ધમાકેદાર ઈનિંગ રમશે તો વિવ રિચર્ડ્સ અને વિરેન્દ્ર સેહવાગ બાદ તે વિશ્વનો સૌથી ખતરનાક બેટ્સમન કહેવાશે. સચિન, લારા, પોન્ટિંગ જેવા મહાન ખેલાડીઓ પણ હતા જેઓ તેમના દિવસોમાં કોઈપણ વિરોધ બોલિંગ આક્રમણને ધ્વંશ કરી નાંખતા હતા. અનેક મેચમાં તેમણે આમ કરીને બતાવ્યું છે. પરંતુ તેમાંથી કોઈ આ બંને (રિચર્ડ્સ અને સેહવાગ) જેટલા ક્રૂર નહોતા.