કાશ્મીર મુદ્દે આફ્રિદીના લવારાનો વિરાટ-સચિન-ગંભીર સહિતના ક્રિકેટરોએ આપ્યો કેવો જડબાતોડ જવાબ, જાણો વિગત?

ભારત રત્નથી સન્માનિત દિગ્ગજ ક્રિકેટર સચિન તેંડુલકરે આફ્રિદી મુદ્દે પ્રતિક્રિયા આપી છે. સચિને કહ્યું કે, અમારી પાસે દેશ ચલાવવા માટે યોગ્ય લોકો છે. બહારની કોઈ વ્યક્તિ પાસેથી જાણવાની કે અમને એ બતાવવાની જરૂર નથી કે અમારે શું કરવું જોઈએ.

ગંભીરે પોતાની ટ્વીટમાં લખ્યું હતું કે, અમારી કાશ્મીર અને સંયુક્ત રાષ્ટ્ર અંગે કરવામાં આવેલી શાહિદ આફ્રિદીની ટ્વીટ પર રિએક્શન માટે મને મીડિયા તરફથી કૉલ આવ્યો હતો. આમાં શું કહેવા જેવું છે? આફ્રિદી માત્ર UN તરફ જોઈ રહ્યો છે, જેનો મતલબ તેની ડિક્શનરીમાં અન્ડર-19 છે. મીડિયા આને હળવાશથી જ લે. આફ્રિદી નો બોલ પર આઉટ થવાનું સેલિબ્રેશન કરી રહ્યો છે.