ICC વન્ડે રેન્કિંગ: વિરાટ કોહલી નંબર વન બેટ્સમેન પર યથાવત્

નવી દિલ્લી: ભારતીય કપ્તાન વિરાટ કોહલીએ વન્ડે રેકિંગમા નંબર વન બેટ્સમેન તરીકે પોતનુ સ્થાન યથાવત રાખ્યું છે. શુક્રવારે જાહેર કરેલા આઈસીસી વન્ડે રેંકિગમાં કોહલી 873ની રેટિંગ સાથે ટોપ પર છે. રવિવારથી શરૂ થનારી પાંચ વન્ડે મેચની સીરીઝમાં તેની પાસે બીજા નંબર પર પાછળ રહેલા ડેવિડ વોર્નરથી લીડ મેળવવાની સારી તક રહેશે. આ બન્ને વચ્ચે હજુ પણ 12 અંકનો અંતર છે. ત્રીજા ક્રમે દક્ષિણ આફ્રિકાનો એબી ડી વિલિયર્સ છે.

અન્ય ભારતીય બેટ્સમેનમાં પૂર્વ કપ્તાન મહેન્દ્રસિંહ ધોની 12માં, શિખર ધવન 13માં, અને ઉપ કપ્તાન રોહિત શર્મા 14માં ક્રમે છે. જો કે બોલિંગમાં કોઈ ભારતીય બોલર ટૉપ-10માં સ્થાન બનાવી શક્યો નથી. ફાસ્ટ બોલર ભુવનેશ્વર કુમાર 13માં સ્થાન પર છે. જે ટોપ-15માં સામેલ એક માત્ર ભારતીય બોલર છે.