હવે રડવા માટે નહીં શોધવું પડે એકાંત, સુરતમાં બની ક્રાઇંગ ક્લબ, જાહેરમાં રડી લોકો હળવા થયા

ત્યાં હાજર રહેલા ઘણા લોકોએ કાર્યક્રમ પત્યા પછી કહ્યું હતુ કે રડી લીધા પછી તેમને મનમાંથી થોડોક ભાર ઓછો થઈ ગયો હોય એવું લાગે છે. આગામી કાર્યક્રમમાં પોતાના નજીકના બીજા સ્વજનોને પણ લઈ આવવાની તૈયારી તેમણે દેખાડી. અમારી દ્રષ્ટિએ આ જ અમારા કાર્યક્રમની ફળશ્રૃતિ છે.'

માણસ હસવાની બાબતમાં હજી પણ કૃત્રિમ થઈ શકે છે, બલ્કે હાસ્ય હવે વધુને વધુ કૃત્રિમ થતુ જાય છે, પરંતુ આંસુ અને રૂદન કૃત્રિમતા ત્યજો તો જ આવે. આંસુઓ તમારી સંવેદનશીલતાને જગાવવાનું કામ કરે છે. તમને તમારી સાચી જાત સાથે પરિચિત કરાવવાનો પાવર આંસુમાં છે. આ જ પાવરનો અનુભવ રવિવારે સુરતવાસીઓએ કર્યો હતો.