'1500 રૂપિયામાં એક નાઇટ ફૂલ સર્વિસ'ના લખાણ સાથે યુવતીનો બીભત્સ ફોટો ફરતો થયો, જાણો પછી શું થયું?

સુરતઃ શહેરના ન્યૂ રાંદેરમાં રહેતી એક યુવતીનો મોર્ફ કરેલો બીભત્સ ફોટો થોડા દિવસથી વોટ્સએપ પર ફરતો થયો છે. આ ફોટા નીચે કોમેન્ટમાં લખવામાં આવ્યું હતું કે, એક નાઇટ-ફૂલ સર્વિસ રૂ. 1,500માં. જેના કારણે આ યુવતીને અજાણ્યા નંબરો પરથી ફોન આવવાના શરૂ થઈ ગયા હતા. તેમજ ગંદી માગણીઓ કરવામાં આવતાં યુવતી કંટાળીને પોલીસને શરણ પહોંચી છે.

આ ફોટો નીચે એક નાઇટ-ફૂલ સર્વિસ રૂ. 1,500માં એવી કોમેન્ટ લખી પ્રિયાના સાચા નંબરો મૂકી દીધા હતા. જેને કારણે પ્રિયા પર લોકોના ફોન આવવાના શરૂ થઈ ગયા હતા. પ્રિયા આ ફોન કોલથી કંટાળી ગઈ હતી અને આ હરકત કોણે કરી છે, તેની તપાસ કરી રહી હતી. દરમિયાન અશ્ફાકની પત્ની જે પ્રિયાના પરિચયમાં હતી. તેના ધ્યાનમાં આ વાયરલ મેસેજ આવી ગયો હતો.

આ શંકાને આધારે તેણે બદલો લેવાનું વિચાર્યું હતું અને આ માટે તેણે કાવતરું પણ ઘડી કાઢ્યું હતું. આ માટે શહેરના ન્યૂ રાંદેર વિસ્તારમાં રહેતી અને જમીન દલાલીનું કામ કરતી 31 વર્ષીય પ્રિયાનો અશ્ફાકે ફેસબૂક પરથી ફોટો મેળવી લીધો હતો. તેમજ આ ફોટોને મોર્ફ કરી બીભત્સ બનાવી દીધો હતો. તેમજ આ ફોટો વોટ્સએપ પર વાયરલ કરી દીધો હતો.

આ અંગેની વિગતો એવી છે કે, અશ્ફાક ઇબ્રાહીમ હુનાની નવસારીના 501, લંડન હાઇટ્સ ખાતે રહે છે. થોડા સમય પહેલા અશ્ફાકની ટોળી રૂ. 28 લાખની જૂની રદ કરાયેલી ચલણી નોટો સાથે પકડાઇ ગયા હતા. તેઓ જ્યાંથી પકડાયા તેની સામે જ ભોગ બનનારનો ફ્લેટ આવોલે છે. આથી અશ્ફાકને પ્રિયા(નામ બદલ્યું છે) પર શંકા ઉપજી હતી.

તેને આ કૃત્ય પતિનું જ હોવાનું જણાતા તેણે પોતે જ પ્રિયાને પતિની હરકતોથી અવગત કરાવી હતી. નોંધનીય છે કે, અશ્ફાક અને તેની પત્ની વચ્ચે અણબનાવ છે. જેથી પત્નીએ જ પતિનો ભાંડો ફોડ્યો હતો. આ માહિતી મળતા જ પ્રિયા રાંદેર પોલીસ સ્ટેશન પહોંચી હતી.