સુરતઃ બ્યુટીપાર્લરનું કામ કરતી યુવતીએ કરી આત્મહત્યા, સૂસાઇડ નોટમાં શું કર્યો ખુલાસો?

સુરતઃ સિંગણપોરના હીરા દલાલની પત્નીએ ઘરમાં ફાંસો ખાઈ આપઘાત કરી લેતા સમગ્ર વિસ્તારમાં ખળભળાટ મચી ગયો છે. વૈભવી જીવનની મહેચ્છા પૂર્ણ ન થતાં નાસીપાસ થઈને યુવતીએ આ પગલું ભરી લીધું છે. તેણે સૂસાઇડ નોટમાં ઉલ્લેખ કર્યો છે કે, મારે હવે જિંદગી નહોતી જીવવી, મારે જીવવું તું એટલું તમારી સાથે નિકુંજ જીવી લીધું. મારે હાઈફાઈ જિંદગી જીવવી હતી, જે આ જીવનમાં નહીં મળે.

કિંજલના એક વર્ષ પહેલા કિંજલના વલ્લભીપુરના વતની અને હાલ સિંગણપોર સ્થિત અખંડાનંદ રો હાઉસમાં ભાડે રહેતા હીરા દલાલ નિકુંજ દિયોરા સાથે લગ્ન થયા હતા. પતિને આર્થિક રીતે મદદરૂપ થવા માટે કિંજલે ઘરમાં બ્યૂટીપાર્લર શરૂ કરવાની સાથે કમ્પ્યૂટર કોર્સ શીખવા માટે ક્લાસ પણ લીધા હતા. ગત અઠવાડિયે બહેન આશાના દિયરના લગ્ન પ્રસંગમાં ગયેલી કિંજલ ઘરે પરત ફર્યા બાદ નિરાશ હતી.