Apple AirPods Pro 2: કેટલીય ખાસિયતોની સાથે Airpods Pro 2 લૉન્ચ, જાણો કિંમત, આ દિવસથી કરી શકાશે બુકિંગ

એપલે નવા બડ્સને Apple H2 chipની સાથે લૉન્ચ કર્યા છે. બડ્સમાં સાઉન્ડ ક્વૉલિટીને વધુ બેસ્ટ કરવા માટે નવા લૉ-ડિસ્ટૉર્શન ડ્રાઇવરનો ઉપયોગ કરવામાં આવ્યો છે.

ફાઇલ તસવીર

AirPods Pro 2: ટેકનલોૉજીની દુનિયાની જાણીતી કંપની એપલે (Apple) બુધવારે થયેલી એક ઇવેન્ટમાં એક સેકન્ડ જનરેશનના એરપૉડ્સને લૉન્ચ કર્યા છે. ફાર આઉટ ઇવેન્ટ (Far Out Event) દરમિયાન લૉન્ચ કરવામાં આવેલા એપલ એરપૉડ્સમાં નૉઇસ કેન્સિલેશનનો સપોર્ટ આપવામાં આવ્યો છે. ઇવેન્ટમાં કંપનીએ એરપૉડ્સ પ્રૉ 2 (AirPods Pro 2)ની સાથે સાથે આઇફોન 14 સીરીઝ અને એપલ વૉચ 8 સીરીઝને લૉન્ચ કરી દીધી છે. કંપનીએ એરપૉડ્સમાં એડપ્ટિવ ટ્રાન્સપરન્સી મૉડ પણ આપ્યો છે, જે નૉઇસ કેન્સિલેશનનો જ ભાગ છે, આ ઉપરાંત એરપૉડ્સમાં બે ટચ કન્ટ્રૉલ પણ આપવામાં આવ્યા છે.

એપલે નવા બડ્સને Apple H2 chipની સાથે લૉન્ચ કર્યા છે. બડ્સમાં સાઉન્ડ ક્વૉલિટીને વધુ બેસ્ટ કરવા માટે નવા લૉ-ડિસ્ટૉર્શન ડ્રાઇવરનો ઉપયોગ કરવામાં આવ્યો છે. બડ્સમાં નૉઇસ કેન્સિલેશન પર પણ કામ કરીને વધુ બેસ્ટ કરવમાં આવ્યુ છે, કંપનીનુ કહેવું છે કે આમાં એક્ટિવ નૉઇસ કેન્સિલેશન (ANC) ને બેગણ કરવામા આવ્યુ છે. વળી, બડ્સમાં પર્સનાલાઇઝ સ્પેશિયલ ઓડિયોની સુવિધા આપવામાં આવી છે. આ ઉપારંત આમાં બિલ્ટ-ઇન સ્પીકર આપવામા આવ્યું છે. જેના ઉપયોગથી યૂઝર્સ ફાઇન્ડ માય ફોન ફિચર્સના દ્વારા પોતાના બડ્સને શોધી શકશો. એપપૉડ્સને 100 ટકા રીસાયકલ મટેરિયલથી બનાવવામાં આવ્યુ છે. 

બેટરી બેકઅપ - 
આ એપપૉડ્સનો જીવ એટલે કે બેટરીની વાત કરીએ તો કંપની તરફથી બેટરી લાઇફને લઇને કેસની સાથે 30 કલાક બેકઅપનો દાવો કર્યો છે. વળી, કેસ વિના બડ્સમાં 6 કલાકનો બેકઅપ જ મળશે. આ પૉડમાં મેગસેફથી પણ વાયરલેસ રીતે ચાર્જ કરી શકાશે. આને ખરીદવા માંગતા ઇચ્છુક લોકો પોતાના આઇફોનની મદદથી આને તપાસ કરી શકશે.

આટલી છે કિંમત - 
આની કિંમતની વાત કરીએ તો આને ખરીદવા ઇચ્છુકને આના માટે 26 હજાર 900 રૂપિયાની કિંમત ચૂકવવી પડશે. આ બડ્સ કંપનીની અધિકારીક વેબસાઇટ પરથી 9 સપ્ટેમ્બરથી પ્રી-ઓર્ડર કરી શકાશે. કંપની દ્વારા આનુ શિપિંગ 23 સપ્ટેમ્બરથી શરૂ કરવામાં આવશે. 

આ પણ વાંચો...........