Facebook Layoffs: હવે Metaના કર્મચારીઓ પર લટકી તલવાર, આ સપ્તાહમાં શરૂ થશે કંપનીમાં છટણીઃ રિપોર્ટ

સોશિયલ મીડિયા ફેસબુકની પેરેન્ટ કંપની મેટાના કર્મચારીઓ માટે ખરાબ સમાચાર છે.

મેટા

Facebook Layoffs:  સોશિયલ મીડિયા ફેસબુકની પેરેન્ટ કંપની મેટાના કર્મચારીઓ માટે ખરાબ સમાચાર છે. માર્ક ઝુકરબર્ગની કંપનીનો દાવો છે કે ત્યાં કામ કરતા હજારો કર્મચારીઓની છટણી આ સપ્તાહથી શરૂ થશે. આ પહેલા એલન મસ્કે ટ્વિટર કંપનીમાં કામ કરતા કર્મચારીઓની છટણી પણ શરૂ કરી દીધી છે.

આ બુધવારથી મેટામાં છટણી શરૂ થશે

વોલ સ્ટ્રીટ જર્નલના એક રિપોર્ટ અનુસાર, મેટા આ બુધવાર એટલે કે 9 નવેમ્બરથી કંપનીમાં મોટાપાયે છટણીની પ્રક્રિયા શરૂ કરવા જઈ રહી છે. રિપોર્ટમાં એવું પણ કહેવામાં આવ્યું છે કે આ છટણીની અસર કંપનીના હજારો કર્મચારીઓ પર પડશે. આટલા મોટા પાયે છટણીનો નિર્ણય મેટાના ઇતિહાસમાં પ્રથમ વખત લેવાશે. સપ્ટેમ્બરના અંતમાં કંપનીએ માહિતી આપી હતી કે મેટામાં કુલ 87,000 કર્મચારીઓ કામ કરે છે.

આ વર્ષે મેટા શેર્સમાં ભારે ઘટાડો થયો છે

મેટાના શેરમાં આ વર્ષે ભારે ઘટાડો જોવા મળ્યો છે અને તેના શેરમાં કુલ 73 ટકાનો ઘટાડો થયો છે. કંપનીના શેર યુએસ બજારોના S&P 500 ઇન્ડેક્સનો સૌથી ખરાબ પ્રદર્શન કરનાર સ્ટોક બની ગયો છે. મેટાના શેરનું મૂલ્ય આ વર્ષે લગભગ $67 બિલિયન ઘટી ગયું છે, જેણે કંપનીને મોટો ફટકો આપ્યો છે.

હજારો કર્મચારીઓની રોજગારી જશે

જોકે વોલ સ્ટ્રીટ જર્નલને ટાંકીને કહેવામાં આવ્યું હતું કે કંપનીએ તેના પ્રશ્નો પર ટિપ્પણી કરવાનો ઇનકાર કર્યો હતો, પરંતુ આ બાબતની જાણકારી ધરાવતા લોકોનું કહેવું છે કે આ છટણી મોટા પાયે થશે અને હજારો કર્મચારીઓને નોકરીમાંથી કાઢી નાખવાની યોજના બની ગઇ છે.

આ નિર્ણય મેટામાં શા માટે લેવામાં આવ્યો છે?

મેટા હાલમાં ગ્લોબલ ઇકોનોમિક ગ્રોથની ચિંતાઓ, TikTok થી વધતી સ્પર્ધા, Apple ની પ્રાઇવેસીની નીતિમાં ફેરફાર, Metaverse પર ભારે ખર્ચ અને તેના વ્યવસાયને અસર કરતી નિયમનકારી ચિંતાઓ સાથે ઝઝૂમી રહી છે. તેના કારણે કંપનીના ત્રિમાસિક પરિણામો પર પણ અસર પડી છે અને ઓક્ટોબર-ડિસેમ્બર ક્વાર્ટરમાં પણ નબળા પરિણામો આવવાની ધારણા છે.

માર્ક ઝુકરબર્ગે પહેલાથી જ છટણીનો સંકેત આપ્યો હતો

મેટાવર્સના ચીફ એક્ઝિક્યુટિવ ઓફિસર માર્ક ઝુકરબર્ગે પહેલેથી જ કહ્યું હતું કે તેઓ અપેક્ષા રાખે છે કે મેટાવર્સમાં કરેલા રોકાણનું વળતર મેળવવા માટે તેને એક દાયકા અથવા લગભગ 10 વર્ષનો સમય લાગશે. ત્યાં સુધી તેમને હાયરિંગ રોકવા, નવા પ્રોજેક્ટ રોકવા અને ખર્ચ ઘટાડવા માટે ટીમો ઓળખવાની જરૂર પડશે.