(Source: ECI/ABP News/ABP Majha)
Jio vs BSNL:ઓછી કિંમતે મફત એમેઝોન પ્રાઇમ કોણ આપે છે? બંનેના પ્લાનના ભાવમાં ઘણો તફાવત છે!
Jio vs BSNL Free Prime: Jio અને BSNLમાંથી કઈ કંપની ઓછી કિંમતે મફત એમેઝોન પ્રાઇમ સબસ્ક્રિપ્શન ઓફર કરે છે? ચાલો તમને જણાવીએ કે આ બંનેના પ્લાનની કિંમતોમાં કેટલો તફાવત છે.
Free Amazon Prime Recharge Plan: આજકાલ, ટેલિકોમ વપરાશકર્તાઓ એવા પ્લાનની શોધમાં છે જેમાં તેમને રિચાર્જની મૂળભૂત સુવિધાઓ તેમજ OTT પ્લાનનું સબસ્ક્રિપ્શન મળે. આજકાલ, OTT પ્લેટફોર્મ લોકો માટે મનોરંજનનો સીધો અને સરળ વિકલ્પ બની ગયો છે, પરંતુ લોકોને આ પ્લેટફોર્મ માટે ઘણા પૈસા ખર્ચવા પડે છે.
આ જ કારણ છે કે લોકો આવા રિચાર્જ પ્લાનની શોધમાં છે, જેમાં તેમને અમર્યાદિત કૉલિંગ, ડેટા લાભો અને SMS તેમજ કોઈપણ OTT પ્લેટફોર્મ પર ફ્રી સબસ્ક્રિપ્શનની સુવિધા મળે છે.
Jio નો પ્રાઇમ પ્લાન
જો તમે આવા રિચાર્જ પ્લાન શોધી રહ્યા છો, તો ચાલો તમને Jioના આવા જ એક પ્રીપેડ પ્લાન વિશે જણાવીએ. આ પ્લાનમાં પણ તમને અમર્યાદિત કોલિંગ, ડેટા બેનિફિટ અને SMS સુવિધાઓ સાથે બિલકુલ ફ્રી એમેઝોન પ્રાઈસ સબસ્ક્રિપ્શન મળશે.
Jioનો આ પ્લાન 1029 રૂપિયાનો છે. આ પ્લાનની વેલિડિટી 84 દિવસની છે. આમાં વપરાશકર્તાઓને અમર્યાદિત વૉઇસ કૉલિંગ સાથે દરરોજ 100 SMS અને 2GB ડેટાનો લાભ મળે છે. આ ઉપરાંત, આ પ્લાન સાથે, વપરાશકર્તાઓને એમેઝોન પ્રાઇમ વિડિયો, જિયો ટીવી, જિયો સિનેમા અને જિયો ક્લાઉડના મોબાઇલ સબસ્ક્રિપ્શનની સુવિધા મળે છે.
આ તમામ સુવિધાઓ ઉપરાંત, કેટલાક પસંદ કરેલા વપરાશકર્તાઓને આ પ્લાન સાથે અમર્યાદિત 5G સેવાની સુવિધા પણ મળે છે.
BSNL વપરાશકર્તાઓ માટે મફત પ્રાઇમ સબ્સ્ક્રિપ્શન
જો તમે BSNL સિમનો ઉપયોગ કરો છો અને મફત Amazon Prime મેમ્બરશિપ ખરીદવા માંગો છો, તો તમારે BSNL પોસ્ટપેડ પ્લાન ખરીદવો પડશે. BSNLની વેબસાઈટ અનુસાર, જે યુઝર્સ રૂ. 399 અથવા તેનાથી વધુનો પોસ્ટપેડ પ્લાન ખરીદે છે તેમને એક વર્ષ માટે એમેઝોન પ્રાઇમની ફ્રી મેમ્બરશિપ મળશે.
આમ જીઓ કરતાં BSNL યુઝર્સને ઓછી કિંમતે પ્રાઇમ સબસ્ક્રિપ્શન આપી રહ્યું છે. તાજેતરમાં તમામ ટેલિકોમ કંપનીઓએ પોતાના ટેરિફ પ્લાનની કિંમતોમાં વધારો કર્યો છે. એવામાં હવે લોકો BSNL તરફ જવાનું વિચારી રહ્યા છે. BSNL ટૂંક સમયમાં પોતાની 5G સેવા શરૂ કરવા જઈ રહ્યું છે. આમ હવે BSNL ના કારણે ખાનગી ટેલિકોમ કંપનીઓની ચિંતા વધવાની છે. હવે BSNLમાં ટાટા કંપનીએ રોકાણ પણ કર્યું છે ને તેના કુલ 80000 જેટલા ટાવર ડિસેમ્બર 2024 સુધીમાં લગાવવામાં આવશે અને બાકીના 20 હજાર માર્ચ 2025 સુધીમાં લગાવવામાં આવશે આમ કુલ 1,00,000 લાખ નવા ટાવર સ્થાપવામાં આવશે.
ટ્રેન્ડિંગ સમાચાર
ટોપ સ્ટોરી
