iQOO માર્કેટમાં મચાવી ધમાલ, લૉન્ચ કર્યો 7300mAh બેટરીવાળો ધાંસૂ 5G ફોન
iQOO Smartphone: iQOO Z10 ભારતમાં ત્રણ સ્ટૉરેજ વેરિઅન્ટમાં લૉન્ચ કરવામાં આવ્યો છે - 8GB RAM + 128GB, 8GB RAM + 256GB, અને 12GB RAM + 256GB. તેની શરૂઆતની કિંમત 21,999 રૂપિયા છે
iQOO Smartphone: સ્માર્ટફોન માર્કેટમાં અનેકપ્રકારના સુધારા વધારા સાથેના નવા નવા ફોન લૉન્ચ થતાં રહે છે, હવે આ કડીમાં iQOO એ ભારતમાં 7300mAH ની પાવરફૂલ બેટરીવાળો ફોન લૉન્ચ કર્યો છે. કંપનીનો દાવો છે કે આ ફોન ભારતમાં સૌથી મોટી બેટરી સાથે લૉન્ચ થનારો ફોન છે. Vivo ની પેટાકંપનીએ iQOO Z10 ની સાથે iQOO Z10x પણ રજૂ કર્યું છે. આ બંને ફોન એક જ ડિઝાઇન સાથે આવે છે. જોકે, ફોનના હાર્ડવેર ફિચર્સમાં મોટો ફેરફાર થયો છે. મોટી બેટરીની સાથે આ સ્માર્ટફોનમાં 120Hz રિફ્રેશ રેટ સાથે ડિસ્પ્લે હશે.
iQOO Z10 સીરીઝની કિંમત
iQOO Z10 ભારતમાં ત્રણ સ્ટૉરેજ વેરિઅન્ટમાં લૉન્ચ કરવામાં આવ્યો છે - 8GB RAM + 128GB, 8GB RAM + 256GB, અને 12GB RAM + 256GB. તેની શરૂઆતની કિંમત 21,999 રૂપિયા છે. જ્યારે, તેના અન્ય બે વેરિઅન્ટની કિંમત અનુક્રમે રૂ. ૨૩,૯૯૯ અને રૂ. ૨૫,૯૯૯ છે. ફોનનો પહેલો સેલ 16 એપ્રિલે બપોરે 12 વાગ્યે ઈ-કોમર્સ વેબસાઇટ એમેઝોન અને iQOO સ્ટોર્સ પર યોજાશે. પ્રથમ સેલમાં ફોનની ખરીદી પર 2,000 રૂપિયાનું ડિસ્કાઉન્ટ મળશે.
iQOO Z10x ને ત્રણ સ્ટૉરેજ વેરિઅન્ટમાં પણ લોન્ચ કરવામાં આવ્યો છે - 6GB RAM + 128GB, 8GB RAM + 128GB, અને 8GB RAM + 256GB. તેના બેઝ વેરિઅન્ટની કિંમત ૧૩,૪૯૯ રૂપિયા છે. જ્યારે, તેના અન્ય બે વેરિઅન્ટની કિંમત અનુક્રમે ૧૪,૯૯૯ રૂપિયા અને ૧૬,૪૯૯ રૂપિયા છે. આ ફોનનો પહેલો સેલ પણ 16 એપ્રિલે યોજાશે. ફોનની ખરીદી પર 1,000 રૂપિયાનું ઇન્સ્ટન્ટ ડિસ્કાઉન્ટ મળશે.
iQOO Z10 5G ના ફિચર્સ
iQOO Z10 માં 6.77-ઇંચ કર્વ્ડ AMOLED ડિસ્પ્લે છે, જે 120Hz હાઇ રિફ્રેશ રેટ, 5000 nits સુધીની પીક બ્રાઇટનેસ જેવી સુવિધાઓ સાથે આવે છે.
આ ફોનમાં Qualcomm Snapdragon 7s Gen 3 પ્રોસેસર ઉપલબ્ધ હશે. આ સાથે, 12GB સુધીની LPDDR4X રેમ અને 256GB સુધીની UFS 2.2 સ્ટોરેજ ઉપલબ્ધ થશે. ફોનની રેમ 24GB સુધી વધારી શકાય છે.
આ ફોન ડ્યુઅલ રીઅર કેમેરા સેટઅપ સાથે આવે છે. તેમાં 50MPનો મુખ્ય OIS કેમેરા હશે. તેની સાથે 2MP સેકન્ડરી કેમેરા ઉપલબ્ધ હશે. તેમાં સેલ્ફી અને વીડિયો કોલિંગ માટે 8MP કેમેરા હશે.
કનેક્ટિવિટી માટે, આ iQOO ફોનમાં Wi-Fi ડાયરેક્ટ, બ્લૂટૂથ 5.2, GPS, USB ટાઇપ C જેવા ફીચર્સ આપવામાં આવ્યા છે.
iQOO Z10 7,300mAh બેટરી સાથે આવે છે. આ સાથે, 90W વાયર્ડ ફાસ્ટ ચાર્જિંગ ફીચર, ઇન-ડિસ્પ્લે ફિંગરપ્રિન્ટ સેન્સર વગેરે આપવામાં આવ્યા છે. આ ફોન IP65 વોટર અને ડસ્ટ રેઝિસ્ટન્ટ ફીચર સાથે પણ આવે છે.
આ સ્માર્ટફોન એન્ડ્રોઇડ 15 પર આધારિત FuntouchOS 15 પર કામ કરે છે. કંપની બે વર્ષ માટે સોફ્ટવેર અપડેટ્સ અને ત્રણ વર્ષ માટે સુરક્ષા અપડેટ્સ આપવાનું વચન આપે છે.
iQOO Z10x 5G ના ફિચર્સ
iQOO Z10x 5G માં 6.7-ઇંચ ડિસ્પ્લે છે, જે 120Hz રિફ્રેશ રેટ ફિચરને સપોર્ટ કરે છે.
આ ફોનમાં મીડિયાટેક ડાયમેન્સિટી 7300 પ્રોસેસર છે, જેની સાથે 8GB રેમ અને 256GB સ્ટોરેજનો સપોર્ટ ઉપલબ્ધ છે.
આ ફોનમાં બે રીઅર કેમેરા પણ છે. તેમાં 50MP મુખ્ય અને 2MP ગૌણ કેમેરા હશે. તેમાં સેલ્ફી અને વીડિયો કૉલિંગ માટે 8MP કેમેરા હશે.
આ ફોનમાં સાઇડ માઉન્ટેડ ફિંગરપ્રિન્ટ સેન્સર, બ્લૂટૂથ 5.4, વાઇ-ફાઇ 6 જેવા ફીચર્સ હશે. આ ફોન IP64 રેટેડ છે, જે ફોનને ધૂળ અને પાણીથી બચાવે છે.
આ iQOO ફોન પાવરફૂલ 6,500mAh બેટરી અને 44W વાયર્ડ ચાર્જિંગ સુવિધા સાથે આવે છે.
ટોપ સ્ટોરી
ટ્રેન્ડિંગ સમાચાર
