WhatsApp દ્વારા મોટી કાર્યવાહી, ભારતમાં 85 લાખથી વધુ એકાઉન્ટ પર પ્રતિબંધ લગાવ્યો
WhatsApp એ ફરી એકવાર મોટી કાર્યવાહી કરીને 85 લાખથી વધુ ભારતીય યુઝર્સના એકાઉન્ટ પર પ્રતિબંધ લગાવી દીધો છે.
WhatsApp એ ફરી એકવાર મોટી કાર્યવાહી કરીને 85 લાખથી વધુ ભારતીય યુઝર્સના એકાઉન્ટ પર પ્રતિબંધ લગાવી દીધો છે. મેટાના ઇન્સ્ટન્ટ મેસેજિંગ પ્લેટફોર્મની આ કાર્યવાહી સપ્ટેમ્બર મહિનામાં કરવામાં આવી છે. આ માહિતી કંપની દ્વારા નવા IT નિયમ 2021 હેઠળ જારી કરાયેલ માસિક અનુપાલન રિપોર્ટમાં શેર કરવામાં આવી છે. વોટ્સએપે કહ્યું કે સપ્ટેમ્બર મહિનામાં 16.58 લાખ એકાઉન્ટને પ્રોએક્ટિવલી રીતે પ્રતિબંધિત કરવામાં આવ્યા છે, એટલે કે એકાઉન્ટ પર કોઈ પણ યુઝર દ્વારા રિપોર્ટ કર્યા વગર જ એક્શન લેવામાં આવ્યા છે.
IT Rule 2021 હેઠળ કાર્યવાહી
પોતાના રિપોર્ટમાં ઇન્સ્ટન્ટ મેસેજિંગ પ્લેટફોર્મે જણાવ્યું હતું કે સપ્ટેમ્બર મહિનામાં તેને કુલ 8,161 ફરિયાદો મળી હતી, જેમાંથી વોટ્સએપે 97 પર કાર્યવાહી કરી છે. આ ઉપરાંત મેટાના પ્લેટફોર્મેએ પણ માહિતી આપી હતી કે તેને ફરિયાદ અપીલ સમિતિ તરફથી બે ઓર્ડર મળ્યા છે, જેના પર કાર્યવાહી કરવામાં આવી છે. કંપની 2021 થી દર મહિને તેનો અનુપાલન રિપોર્ટ જાહેર કરી રહી છે, જેમાં પ્રતિબંધિત એકાઉન્ટ્સ અને લેવાયેલા પગલાં વિશેની માહિતી સામેલ હોય છે.
નવા IT Rule 2021 મુજબ, ભારતમાં હાજર તમામ સોશિયલ મીડિયા પ્લેટફોર્મ્સ (જેના 50 હજારથી વધુ વપરાશકર્તાઓ છે)એ દર મહિને તેમનો અનુપાલન રિપોર્ટ જાહેર કરવો પડશે. આ રિપોર્ટમાં કંપની દ્વારા યુઝર દ્વારા રિપોર્ટ કરાયેલ એકાઉન્ટ વિશેની માહિતી તેમજ કંપની દ્વારા આપમેળે લેવામાં આવેલી કાર્યવાહીની જાણકારી હશે. આ ઉપરાંત, ફરિયાદ અપીલ સમિતિ દ્વારા આપવામાં આવેલી સૂચનાઓની વિગતો પણ આપવાની રહેશે.
વોટ્સએપે શું કહ્યું ?
વ્હોટ્સએપે તેના કમ્પ્લાયન્સ રિપોર્ટમાં કહ્યું છે કે અમે અમારા કામમાં પારદર્શિતા જાળવી રાખીશું. કંપનીએ વધુમાં કહ્યું કે અમે યુઝર્સને કોન્ટેક્ટ્સને બ્લોક કરવાની અને કોઈપણ સમસ્યારૂપ સામગ્રીની જાણ કરવાની સ્વતંત્રતા આપી છે. તેઓ એપમાં જ કોઈપણ કોન્ટેક્ટને બ્લોક કરી શકશે. તમે સામગ્રીની જાણ પણ કરી શકો છો. WhatsAppએ કહ્યું કે અમે અમારા યુઝર્સના ફીડબેકની સંપૂર્ણ કાળજી રાખીએ છીએ અને કોઈપણ પ્રકારની ખોટી માહિતીને રોકવા, સાયબર સુરક્ષા અને ચૂંટણીની ઈન્ટિગ્રીટીને પ્રોત્સાહન આપવા પર ધ્યાન કેન્દ્રિત કરીએ છીએ.
આ પહેલા પણ ઓગસ્ટમાં કંપનીએ 84.58 લાખ વોટ્સએપ એકાઉન્ટ્સ પર પ્રતિબંધ મૂક્યો હતો, જેમાંથી 16.61 લાખ એકાઉન્ટને કંપનીએ સ્વત: સંજ્ઞાન લઈને પ્રતિબંધિત કરી દીધા છે. તાજેતરમાં WhatsAppમાં ઘણા નવા ફીચર્સ ઉમેરવામાં આવ્યા છે, જેમાંથી કસ્ટમ લિસ્ટ એક છે. આ ફીચર દ્વારા યુઝર્સ તેમના મનપસંદ કોન્ટેક્ટ અને ગ્રુપ માટે અલગ લિસ્ટ બનાવી શકે છે. વપરાશકર્તાઓને તેમનો સંપર્ક કરવામાં કોઈ સમસ્યાનો સામનો કરવો પડશે નહીં.
OpenAI એ લૉન્ચ કર્યું પોતાનું સર્ચ એન્જિન, Google અને Microsoft નું વધ્યુ ટેન્શન
ટ્રેન્ડિંગ સમાચાર
ટોપ સ્ટોરી
