વડોદરાઃ વિદ્યાર્થીનું ટ્રેન નીચે કચડાઈ જવાથી મોત, મોબાઈલમાં હતો મશગુલ

વિદ્યાર્થી કિશન તળપદા તેની માતા-મામા અને નાના-નાની સાથે રહે છે. પરિવારનો એકનો એક દીકરો હતો. ઘટનાને નજરે જોનાર ત્રણ મિત્રો પૈકી બે તો ગભરાઇ જતાં પોલીસ સમક્ષ આવ્યા ન હતા પરંતુ એક મિત્રનું નિવેદન લેતાં તેણે આ વિગતો આપી હોવાનું છાણી પોલીસ સ્ટેશનનાં મહિલા પીએસઆઇ ટંડેલે જણાવ્યું હતું.

છાણી ભાથુજીનગર પાસે રહેતો 18 વર્ષીય કિશન વિજય તળપદા(પટેલ) નામનો વિદ્યાર્થી શનિવારે સાંજે 3 મિત્રો સાથે ઓમકારપુરા ખાતે મેળો જોવા ગયો હતો. ચારે મિત્રો છાયાપુરી બ્રિજ પાસે રેલવે ટ્રેક પરથી પસાર થઇ રહ્યા હતા. રેલવે ટ્રેક ઓળંગતા સમયે કિશને મોબાઈલમાં એટલો મશગુલ હતો કે ટ્રેક પર આવતી ટ્રેનનો અવાજ પણ તેને ન સંભળાયો.