Hu to Bolish | હું તો બોલીશ | મોતનો વાયર

રાજકોટમાં વીજ કરંટ લાગતા 22 વર્ષની દીકરી નિરાલી કાકડિયાએ જીવ ગૂમાવ્યો. બે દિવસ પહેલા વરસાદ પડ્યો અને પ્રશાસનના પાપે નાના મવા રોડ પર પાણી ભરાયા. ત્યારે સાંજના સમયે આ ફાર્મસી કરેલી દીકરી ટુ વ્હીલર પર નોકરી કરીને ઘરે પરત ફરી રહી હતી. ત્યારે રસ્તામાં રહેલા ખુલ્લા વીજ વાયરને અડી જતા કરંટ લાગ્યો. વીજ કરંટથી સ્થળ પર જ ઢળી પડી...અને સારવાર મળે તે પહેલા તેનું મૃત્યુ થયું. મૃતકના પરિવારજનોએ ઘટના પાછળ મહાનગરપાલિકાને જવાબદાર ગણાવી અને અધિકારીઓ અને પદાધિકારીઓ સામે કાર્યવાહીની માગ કરી...ઘટનાને લઈને મેયર અને સ્ટેન્ડિંગ કમિટીના ચેરમેને તપાસના આદેશ આપ્યા.

2 દિવસ પહેલા આણંદ જિલ્લામાં MGVCLની બેદરકારીથી એક બાળક અને અબોલ પશુએ જીવ ગૂમાવ્યો.....બિસ્મિલ્લાહ સોસાયટી પાછળ આઠ વર્ષનું બાળક રમતું હતું અને DPમાંથી કરંટ ઉતરતા ઘટનાસ્થળે જ મોત થયું...ડીપીની ફરતે સેફટી રેલિંગ પણ ન હોવાનું સામે આવ્યું....