Bhavnagar News: ભાવનગર શહેરમાં ફરી કાયદો અને વ્યવસ્થાની સ્થિતિના ઉડ્યા લીરેલીરા

ભાવનગર શહેરમાં ફરી કાયદો અને વ્યવસ્થાની સ્થિતિના ઉડ્યા લીરેલીરા. વિઠ્ઠલવાડી વિસ્તારમાં હોર્ન વગાડવા જેવી નજીવી બાબતે થઈ મારામારી. વીરભદ્રસિંહ ગોહિલ પરિવાર સાથે કારમાં ઘર તરફ જઈ રહ્યા હતા. ત્યારે જ આગળ જતા મોપેડ ચાલક પાસે સાઈડ માગવા માટે હોર્ન વગાડ્યું. બસ આ જ વાત મોપેડ ચાલક મનીષ પરમારને પસંદ ન પડી. રસ્તા વચ્ચે જ મનીષ પરમારે કાર ઉભી રખાવીને વેપારી વીરભદ્રસિંહ ગોહિલ સાથે ઝઘડો  કર્યો.. બોલાચાલી દરમિયાન આવેશમાં આવીને મનીષે મોપેડમાંથી છરી કાઢીને વીરભદ્રસિંહ ગોહિલ પર હુમલો કરી દીધો.. એટલુ જ નહીં.. હુમલો કર્યા બાદ જાનથી મારી નાંખવાની ધમકી આપીને આરોપી મનીષ પરમાર ઘટનાસ્થળેથી ફરાર થઈ ગયો.. હુમલામાં ઈજાગ્રસ્ત વીરભદ્રસિંહ ગોહિલને તાત્કાલિક સારવાર માટે સર.ટી હોસ્પિટલ ખસેડવામાં આવ્યો.. નિલમબાગ પોલીસે આરોપી મનીષ પરમાર વિરૂદ્ધ અલગ અલગ કલમો હેઠળ ગુનો નોંધીને શોધખોળ હાથ ધરી.