Ambalal Patel Prediction : અંબાલાલ પટેલની ગુજરાતના વાતાવરણમાં પલટાની આગાહી

Ambalal Patel Prediction : અંબાલાલ પટેલની ગુજરાતના વાતાવરણમાં પલટાની આગાહી

રાજ્યમાં બદલાતા હવામાનને લઈને હવામાન નિષ્ણાંત અંબાલાલભાઈ પટેલે મોટી આગાહી કરી છે. આજથી 28 ફેબ્રુઆરી અને પહેલી માર્ચે હવામાનમાં પલટો આવશે. 18 માર્ચ બાદ રાજ્યમાં આખરી ગરમી પડશે અને એપ્રિલ મહિનામાં ખૂબ ગરમી પડવાની પણ આગાહી કરી છે. રાજ્યમાં 42 ડિગ્રી સુધી ગરમી પડી શકે છે. તો, 28 ફેબ્રુઆરી અને પહેલી માર્ચે હવામાનમાં પલટો આવશે અને 18 માર્ચ બાદ રાજ્યમાં આખરી ગરમી પડવાનું અનુમાન અંબાલાલભાઈ પટેલે વ્યક્ત કર્યું છે. તેમણે અનુમાન વ્યક્ત કર્યું છે કે રાજ્યમાં 42 ડિગ્રી સુધી ગરમીનો પારો પહોંચી શકે છે અને એપ્રિલ મહિનામાં ખૂબ ગરમી પડવાની પણ આગાહી કરવામાં આવી છે. માવઠાની શક્યતા અંગે જોઈએ તો, વાદળછાયું વાતાવરણ રહેવાની શક્યતા છે. તારીખ 26-27ની આસપાસ એક પશ્ચિમી વિક્ષોભ આવવાની શક્યતા છે. જોકે, આ પશ્ચિમી વિક્ષોભ નબળો છે, પરંતુ તેના કારણે વાદળો આવવાની શક્યતા રહેશે. તારીખ 26થી 28 અને પહેલી માર્ચ સુધીમાં હવામાનમાં પલટો આવશે અને વાદળો આવશે. આ વાદળો ખાસ કરીને લગભગ ઉત્તર ગુજરાતના કેટલાક ભાગો, રાજસ્થાનની સરહદના ભાગો, કચ્છના ભાગો અને થોડા ઘણા જામનગરના ભાગો અને સૌરાષ્ટ્રના કેટલાક ભાગોમાં આવવાની શક્યતા રહેશે. જોકે, માવઠાની શક્યતા ઘણી ઓછી છે, પણ ક્યાંક છાંટા છૂટી થઈ શકે છે. આ ઉપરાંત, લગભગ પોરબંદરના ભાગો અને પશ્ચિમ સૌરાષ્ટ્રના ભાગોમાં ભેજનું પ્રમાણ વધશે. અરબ સાગરના ભેજના કારણે ત્યાં પણ હળવો સામાન્ય વરસાદ કે છાંટા થઈ શકે છે.