રાજ્યમાં છેલ્લા 24 કલાકમાં અત્યાર સુધીના સૌથી વધુ 1560 નવા કેસ નોંધાયા,  16ના મૃત્યુ

ગાંધીનગરઃ  રાજ્યમાં કોરોના સંક્રમણમાં સતત વધારો થઈ રહ્યો છે.   છેલ્લા 24 કલાકમાં કોવિડ-19ના અત્યાર સુધીના સૌથી વધુ 1560 નવા કેસ નોંધાયા હતા. જ્યારે સંક્રમણના કારણે વધુ 16 લોકોના મોત થયા છે. આ સાથે જ કોરોનાથી કુલ મૃત્યુઆંક 3922 પર પહોંચ્યો છે.રાજ્યમાં કુલ સંક્રમિતોની સંખ્યા 203509 પર પહોંચી છે. રાજ્યમાં હાલ 14529 એક્ટિવ કેસ છે, જ્યારે કુલ 185058 લોકોને ડિસ્ચાર્જ કરી દેવામાં આવ્યા છે.