Junagadh News : જૂનાગઢમાં સોપારી ખાવા બાબતે પતિએ કરી પત્નીની હત્યા

Junagadh News : જૂનાગઢમાં સોપારી ખાવા બાબતે પતિએ કરી પત્નીની હત્યા 

જૂનાગઢના ધરાનગર વિસ્તારમાં પતિએ કરી પત્નીની હત્યા.  ભોળાભાઈ ઉર્ફે ભોલા સોલંકીએ પોતાની પત્ની જ્યોતિબેન સોલંકી સાથે "તેં સોપારી કેમ ખાધી?" આવું કહીને ઉગ્ર ઝઘડો કર્યો. ઝઘડો એટલો ઉગ્ર બન્યો કે આવેશમાં આવીને પતિ ભોળાભાઈએ પત્નીને માથાના ભાગે ફટકા મારી બેફામ માર માર્યો અને ગંભીર રીતે ઘાયલ કર્યા. લોહીલુહાણ હાલતમાં મહિલાને તાત્કાલિક પ્રથમ જૂનાગઢ અને ત્યારબાદ વધુ સારવાર માટે રાજકોટ સિવિલ હોસ્પિટલ ખાતે ખસેડવામાં આવ્યા. જ્યાં સારવાર દરમિયાન જ્યોતિબેનનું મોત નીપજતા આ સમગ્ર મામલો હત્યામાં પલટાયો. મૃતકના ભાઈએ આ અંગે પોલીસમાં ફરિયાદ નોંધાવી, જૂનાગઢ સી ડિવિઝન પોલીસે આરોપી પતિ ભોલા સોલંકી વિરુદ્ધ હત્યાનો ગુનો નોંધી તેની ધરપકડ કરી જેલ હવાલે કર્યો.