અરવલ્લીમાં 250 કિલો ચાંદી સાથે બે શખ્સો ઝડપાયા, જુઓ વીડિયો

મોડાસા ગ્રામ્ય વિસ્તારના રાજેન્દ્રનગર ચોકડી પાસેથી એક કારમાં સીટોની નીચે ચોર ખાનામાં ભરી આગ્રાથી રાજકોટ લઇ જવાતો બિન કાયદેસર શંકાસ્પદ 250 કિલો ચાંદીનો જથ્થો પોલીસે ઝડપી પાડ્યો હતો. આ મામલે બે જણાની અટકાયત કરી કાયદેસર કાર્યવાહી હાથ ધરાઇ હતી. મોડાસા રૂરલ પોલીસ ગ્રામ્ય વિસ્તારના ઉદેપુરથી હિમતનગર તરફના નેશનલ હાઈવેમાં રાજેન્દ્રનગર ચોકડી પાસેના ગઢડા ગામ પાસે વાહન ચેકિંગ કરી રહી હતી દરમિયાનમાં  માહિતી મળી હતી કે એક કારમાં બિન કાયદેસર ચાંદીનો જથ્થો ભરી લઇ જવામાં આવી રહ્યો છે. જેથી પોલીસે કાર નંબર જીજે -૦૯- બી -૭૬૭૨ શંકાસ્પદ જણાતા તપાસ કરી હતી જેમાં પાછળની સીટોની અંદર ચોર ખાનું બનાવી તેમાં 250 કિલો ચાંદીનો જથ્થો લઇ જવામાં આવી રહ્યો હતો.