Fuel Price Hike : મોંઘવારીનો વધુ એક માર! પેટ્રોલ-ડીઝલના ભાવમાં વધારો
દેશની જનતા પર મોંઘવારીનો વધુ એક માર.. ગુજરાત સહિત દેશભરમાં પેટ્રોલ-ડીઝલના ભાવમાં આકરો વધારો કરાયો.. પેટ્રોલમાં પ્રતિ લિટર 2.99 રૂપિયા, તો ડીઝલમાં પ્રતિ લિટરે 3.09 રૂપિયાનો વધારો કરાયો છે.. અચાનક અમલી બનેલા આ ભાવ વધારાથી વાહન ચાલકોને પણ આર્થિક ફટકો પડ્યો છે.. પેટ્રોલ-ડીઝલમાં ભાવ વધારાને લઈને નાગરિકોમાં રોષ છે.. રાજ્યના ચાર મહાનગરોમાં પેટ્રોલ અને ડીઝલની કિંમતની વાત કરીએ તો અમદાવાદમાં પ્રતિ લિટર પેટ્રોલના ભાવ 2.99 રૂપિયાના વધારા સાથે 97.43 રૂપિયા પર પહોંચી ગયા છે.. જ્યારે સુરતમાં પ્રતિ લિટર પેટ્રોલના ભાવ 97.5 રૂપિયા, વડોદરામાં પ્રતિ લિટર પેટ્રોલના ભાવ 97.14 રૂપિયા અને રાજકોટમાં પ્રતિ લિટર પેટ્રોલના ભાવ 97.27 રૂપિયા પર પહોંચ્યા છે.. જ્યારે 3.09 રૂપિયાના ભાવ વધારા સાથે અમદાવાદમાં પ્રતિ લિટર ડીઝલના ભાવ 93.2 રૂપિયા, સુરતમાં પ્રતિ લીટર ડીઝલના ભાવ 93.29 રૂપિયા, વડોદરામાં પ્રતિ લિટર ડીઝલના ભાવ 92.91 રૂપિયા અને રાજકોટમાં પ્રતિ લિટર ડીઝલના ભાવ 93.06 રૂપિયા પર પહોંચ્યા છે. યુનાઈટેડ પેટ્રોલિયમ ડિલર એસોસિએશનના પ્રમુખ અરવિંદ ઠક્કરે પ્રતિક્રિયા આપી કે છેલ્લા ઘણા સમયથી યુદ્ધની સ્થિતિ ચાલી રહી છે.. બેરલના ભાવ 70 ડોલરથી વધીને 140 ડોલર સુધી પહોંચી ગયા છે.. જેથી પેટ્રોલ-ડીઝલના ભાવમાં વધારો કરવો જરૂરી હતો. હાલની સ્થિતિએ પણ સરકારને પેટ્રોલમાં પ્રતિ લિટરે 37 રૂપિયા અને ડીઝલમાં પ્રતિ લિટરે 17 રૂપિયાનું નુકસાન થઈ રહ્યું છે.. જો કે અરવિંદ ઠક્કરે એ જરૂરથી સ્પષ્ટ કર્યુ કે પેટ્રોલ-ડીઝલનો પૂરતા પ્રમાણમાં જથ્થો છે.. કોઈએ ગભરાવવાની જરૂર નથી..
ટોપ સ્ટોરી
ટ્રેન્ડિંગ સમાચાર
