રાજકોટમાંથી વન વિભાગની ટીમે ત્રણ સિંહને પાંજરે પૂર્યા, જુઓ વીડિયો

રાજકોટના ગ્રામ્ય વિસ્તારમાં છેલ્લા 45 દિવસથી વધુ સમયથી ત્રણ સિંહોએ ધામા નાખ્યા હતા. અલગ-અલગ વિસ્તારમાં ત્રણ સિંહો આંટાફેરા કરતા કેમેરામાં કેદ થયા હતાં. સાવજોના ધામાથી ખેડૂતો ચિંતિત બન્યા હતા અને સિંહને પાંજરે પૂરવા વન વિભાગને જાણ કરવામાં આવી હતી. સ્થાનિક વન વિભાગની ટીમો આ ત્રણ સિંહોની શોધખોળ કરી રહી હતી. આ વચ્ચે જ ગીરથી ફોરેસ્ટ વિભાગની ટીમને જાણ કરાઈ હતી. ગીર ફોરેસ્ટની ટીમે ધામા નાંખી સિંહોનું લોકેશન ટ્રેક કર્યું અને વહેલી સવારે ઓપરેશન પાર પાડી ત્રણેય સિંહને પાંજરે પૂરી દીધા હતા.