બે હવસખોરે યુવતી સાથે પરાણે માણ્યું સેક્સ, તક મળતાં યુવતીએ એકના લિંગ પર ભરી લીધું બચકું અને પછી...

કેપટાઉન: સાઉથ આફ્રિકાની પોલીસે હોસ્પિટલોને એલર્ટ કરતા જણાવ્યું છે, કે કોઈ વ્યક્તિને લિંગ પર થયેલી ઈજાની ટ્રીટમેન્ટ કરાવવા માટે આવે તો પહેલા પોલીસને જાણ કરવી.

પોલીસ એક એવા આરોપીને શોધી રહી છે કે જેના લિંગ પર એક મહિલાએ જોરદાર બચકું ભરી લીધું છે. જોકે, આ આરોપી હાલ ગાયબ છે અને પોલીસને પૂરો વિશ્વાસ છે કે આ આરોપી પોતાના ઘવાયેલા લિંગની સારવાર કરાવવા કોઈને કોઈક હોસ્પિટલમાં ચોક્કસ જશે.

સાઉથ આફ્રિકાના પુમાલાંગા પ્રાંતમાં એક મહિલાએ બે અજાણ્યા શખ્સો પાસેથી દવાખાને જવા માટે લિફ્ટ લીધી હતી. મહિલા સાથે તેનું પાંચ વર્ષનું એક બાળક પણ હતું. જોકે, મહિલાને એકલી જોઈ તેને લિફ્ટ આપનારા બંને લોકોએ કંઈક અલગ જ પ્લાન બનાવી લીધો હતો.

આ બંને હવસખોરો તેને હોસ્પિટલ લઈ જવાને બદલે જંગલમાં લઈ ગયા અને ત્યાં ચાકૂની અણીએ તેના પર રેપ ગુજાર્યો હતો. જોકે, આ દરમિયાન મહિલાએ મોકો મળતા જ એક વ્યક્તિના લિંગ પર બચકું ભરી લીધું હતું અને ત્યાંથી ગમે તેમ કરીને ભાગી છૂટવામાં સફળ રહી હતી.

મહિલા સીધી પોલીસ સ્ટેશન પહોંચી હતી. સ્થાનિક પોલીસે તમામ હોસ્પિટલોને જણાવ્યું છે કે, કોઈ વ્યક્તિ પોતાના પેનિસની સારવાર કરાવવા આવે તો પહેલા પોલીસનો સંપર્ક કરવો. સાથે જ પોલીસે આ આરોપીનું વર્ણન પણ હોસ્પિટલોને આપ્યું છે. પોલીસનું કહેવું છે કે, ભોગ બનનારી મહિલાને ત્રણ મહિનાનો ગર્ભ પણ છે.

શરૂઆતમાં તો બળાત્કારીઓએ ચાકૂ બતાવી મહિલાને બૂમ ન પાડવા માટે કહ્યું હતું. જોકે, મહિલાએ હિંમત બતાવીને એક બળાત્કારીના લિંગ પર બચકું ભરી લીધું હતું અને તેનાથી ડરી ગયેલા બંને શખ્સો ત્યાંથી નાસી છૂટ્યા હતાં. જોકે, હાલ તેઓ પોલીસની પકડની બહાર છે.