કોલ સેન્ટરકાંડમાં પકડાયેલ મુણાલે હુક્કાબારમાં પણ અજમાવ્યો હતો હાથ, જાણો ભાજપ સાથે શું છે સંબંધ

સૂત્રોનું કહેવું છે કે, કોલ સેન્ટર બાવળા પોલીસ સ્ટેશનની હદમાં સાણંદ-બાવળા રોડ પર ચાલતું હતું. 22 દિવસથી ચાલતા આ ગોરખધંધા અંગે સ્થાનિક પોલીસ પણ શંકાના દાયરામાં છે. સ્થાનિક પોલીસની મિલિભગતને લઈને તપાસ થશે કે કેમ તે મુદ્દે પણ અનેક તર્કવિતર્ક વહેતા થયા છે.

બીજી તરફ મૃણાલસિંહ સોલંકીના પરિચિત લોકોનું કહેવું છે કે, તેણે 2015માં એક હુક્કાબાર શરૂ કર્યો ત્યારે પણ કોન્સ્ટેબલ વિરેન્દ્રસિંહ તેની સાથે હતો. જોકે આ હુક્કાબાર છ-સાત મહિનામાં જ બંધ કરી દીધો હતો. મૃણાલ સોલંકી અને વિરેન્દ્ર પઢેરિયા કોલસેન્ટર કૌભાંડના કુખ્યાત આરોપી શેગી ઉર્ફ સાગર ઠક્કરના પરિચયમાં ક્યાંથી આવ્યાં/સાગર ઠક્કરની સંડોવણી અંગે પણ તપાસ કરવામાં આવી રહી છે.