કોંગ્રેસમાંથી સૌરાષ્ટ્ર-કચ્છની બેઠકો માટે કોણે કરી દાવેદારી ? જીગ્નેશ મેવાણીને ક્યાંથી મળી શકે ટિકિટ ? જાણો વિગત

જુનાગઢ લોકસભા બેઠક માટે ધારાસભ્યો પુંજાભાઇ વંશ, હર્ષદ રીબડીયા અથવા અન્ય કોળી નેતાને તક આપવા રજૂઆત કરાઈ છે. પોરબંદર લોકસભા બેઠક માટે ધારાસભ્ય લલિત વસોયા તેમજ વિનું અમીપરાએ દાવેદારી નોંધાવી છે. સૌરાષ્ટ્ર-કચ્છમાં કોંગ્રેસ મહત્તમ બેઠકો જીતવાની આશા રાખે છે.

જામનગર લોકસભા બેઠક માટે ધારાસભ્ય અને પૂર્વ સાંસદ વિક્રમ માડમ, હેમંત ખવા, મેરામણ ગોરીયાએ દાવેદારી કરી છે. અમરેલી લોકસભા પર કોંગ્રેસ મહિલા ઉમેદવારને તક આપે તેવી શક્યતા છે. ધારાસભ્ય વીરજી ઠુમ્મરનાં દીકરી જેનીબેન ઠુમ્મર અને કોકીલાબેન કાકડીયાએ દાવેદારી કરી છે.