દારૂ ભરેલી રિક્ષાથી હિમાનીને ઉડાવનાર ડ્રાઈવર સામે હવે માનવવધની કલમ લાગશે, મહિલા બુટલેગર ફરાર

સેક્ટર-1ના સંયુક્ત પોલીસ કમિશનર રાજીવ રંજન ભગતના જણાવ્યાનુસાર ફારુક વિરુદ્ધ ટ્રાફિક પોલીસ સ્ટેશનમાં અકસ્માત મોત અને દારૂની હેરાફેરી, એમ બે ગુના દાખલ કરાયા હતા. ફારુકે દારૂ પીધો હતો કે નહીં તેનું પરીક્ષણ કરાયું હતું. ફારુક વિરુદ્ધ પૂરતા સાંયોગિક પુરાવા મળી જશે તો તેની વિરુદ્ધ 304ની કલમ ઉમેરાશે.

શુક્રવારે વહેલી સવારે ફારુકની રિક્ષામાં કલોલથી 240 લિટર દેશી દારૂ લઈને આવી રહ્યા હતા ત્યારે આ અકસ્માત સર્જાયો હતો. એ વખતે બંન્ને મહિલાઓ રીક્ષામાં હતી પણ અકસ્માત થતા તે પલાયન થઇ ગઇ જે ઘટનાના 4 દિવસ પછી પણ બંને મહિલાને પોલીસ પકડી શકી નથી.