મહેશ શાહને ‘VIP ગેસ્ટ’ જેવી ટ્રીટમેન્ટ, રાત્રે જમાડીને સૂવાડી દીધો, વહેલી સવારે ચા-નાસ્તો કરાવી ઘરે મોકલી દીધો

ગઈકાલે સાંજે મહેશ શાહની અટકાયત બાદ 8.45 વાગ્યે ઈન્કમટેક્ષની ઓફિસમાં પૂછપરછ શરૂ કરાઈ હતી. ઈન્કમટેક્સ વિભાગ દ્વારા મહેશ શાહને દવાથી લઈને તમામ પ્રકારની જરૂરિયાતની વસ્તુઓ અપાઈ હતી. મહેશ શાહને ઈન્કમટેક્સ વિભાગે જમાડ્યો હતો અને એ પછી તેની પૂછપરછ કરાઈ હતી.

અમદાવાદ: ઈન્કમ ડિસ્ક્લોઝર સ્કીમ (આઈડીએસ) હેઠળ રૂપિયા 13,860 કરોડનું કાળુ નાણું જાહેર કરીને રહસ્યમય રીતે ભૂગર્ભમાં ઉતરી ગયેલા અમદાવાદના મહેશ શાહે શનિવારે મીડિયા સામે હાજર થઈને લોકોને આંચકો આપ્યો હતો. રવિવારે સવારે આવકવેરા વિભાગે તેના કરતાં પણ મોટો આંચકો લોકોને આપી દીધો.