ગુજરાતમાં ફરી ક્યારે સક્રિય થશે ચોમાસું, જાણો કઈ તારીખે આવશે વરસાદ

હવામાન વિભાગની આગાહી પ્રમાણે આ સપ્તાહમાં વરસાદની ઘટ પૂરી થવા ઉપરાંત સારો વરસાદ પડશે. 8મી ઓગસ્ટથી ગુજરાતમાં પુનઃ મેઘરાજાની સવારી આવી પહોંચશે અને ભારેથી અતિભારે વરસાદ પડશે.

અપર એર સાયક્લોનિક સરક્યુલેશનથી ચાર દિવસો દરમિયાન દક્ષિણ ગુજરાત, ઉત્તર ગુજરાત અને સૌરાષ્ટ્રનાં કેટલાંક વિસ્તારોમાં હળવોથી મધ્યમ વરસાદ પડી શકે છે. તેમજ બંગાળની ખાડીમાં સર્જાયેલાં લો-પ્રેશરથી 8મી ઓગસ્ટથી ગુજરાતમાં સારા વરસાદની શક્યતા છે.

અમદાવાદમાં વાદળોની ગેરહાજરીને કારણે ગરમીનો પારો 35 ડિગ્રીની આસપાસ નોંધાયો હતો. સોમવારે અમદાવાદનું મહતમ તાપમાન 34.3 ડિગ્રી નોંધાવાની સાથે વાદળછાયા વાતાવરણથી ગરમી-બફારાનું પ્રમાણ ઘટ્યું હતું. આગામી બેથી ચાર દિવસો દરમિયાન હળવા વરસાદની સંભાવના હવામાન વિભાગે વ્યક્ત કરી છે.

છેલ્લાં બે દિવસથી અમદાવાદ સહિત ગુજરાતમાં વાદળછાયું વાતાવરણ અને ઠંડા પવનોને કારણે ગરમી અને બફારાનું પ્રમાણ ઘટ્યું છે. આગામી બેથી ચાર દિવસો દરમિયાન અમદાવાદમાં વરસાદી ઝાપટાંથી લઇને હળવા વરસાદની શક્યતા હવામાન વિભાગે વ્યક્ત કરી છે.

અમદાવાદ: લાંબા સમયથી વરસાદે ગુજરાતમાં વિરામ લીધો છે ત્યારે સમગ્ર ગુજરાતમાં બુધવારે વરસાદી ઝાપટાંથી લઈને મધ્યમ વરસાદની હવામાન વિભાગે આગાહી કરી છે. વરસાદ બંધ થતાં જ વાદળછાયા વાતાવરણ વચ્ચે ગરમી અને બાફનું પ્રમાણ વધતાં ગરમીનો અહેસાસ અનુભવાઈ રહ્યો હતો.