‘પાટીદાર બહેનો બહાર નીકળી ચાચા ચાયવાલા, અને ફઇબાને સમાજની તાકાત બતાવે’: રેશ્મા પટેલ

રેશ્માએ જણાવ્યું હતું કે 15 વરસ સુધી આપણે હિટલરશાહી સરકારને સાથ સહકાર આપ્યો. આ સરકાર આપણું ન માને તો 2017માં તેઓને ચમત્કાર બતાવવાનો સમય આવી ગયો છે. પાટીદાર સમાજની માતાઓ અને બહેનોને ઝાંસીની રાણીની જેમ બહાર નીકળી ચાચા ચાયવાલે અને ફઇબાને પટેલ સમાજની તાકાત બતાવવાની છે.

સભાને સંબોધિત કરતા રેશ્માએ વડાપ્રધાન મોદી અને મુખ્યમંત્રી આનંદીબેન પર પ્રહારો કર્યા હતા. તેમણે લોકોને સંબોધતા કહ્યું કે, ચાચા ચાયવાલે અને ફઇબાને પટેલ સમાજની તાકાત બતાવવાનો સમય આવી ગયો છે.

સિહોરઃ ભાવનગરના સિહોર ખાતે પાટીદાર સમાજની મહાસભાનું આયોજન કરવામાં આવ્યું હતું. આ સભામાં પાટીદાર મહિલા નેતા રેશ્મા પટેલ, અતુલ પટેલ, મંજુલાબેન પટેલ સહીતના પટેલ સમાજના અગ્રણીઓ અને પાટીદાર સમાજના લોકો બહોળી સંખ્યામાં ઉપસ્થિત રહ્યા હતા.

આ મહારેલીમાં 12 હજારથી 15 હજારની મેદની એકત્ર થશે તેવો દાવો આયોજકોએ કર્યો હતો પણ સભામાં ફક્ત 1500 જેટલા લોકો જ એકત્ર થતા આંદોલનનો વેગ ઘટતો જતો હોવાની ચર્ચા લોકોમાં થઇ હતી.