Hero Xtreme 160R : ગોલ્ડન USD ફોર્ક સાથે આવશે હીરો એક્સટ્રીમ 160R બ્લેક
આ વર્ષે માર્ચમાં બજાજે અપડેટેડ પલ્સર NS160 અને NS200ને યુએસડી ફ્રન્ટ ફોર્ક્સ સાથે સજ્જ કર્યા જેથી એન્ટ્રી-લેવલ પરફોર્મન્સ બાઈકની શોધ કરનારાઓને વધુ મૂલ્ય પ્રદાન કરી શકાય. તે USD ફોર્ક મેળવે છે
Hero Motocorp: Hero MotoCorp ટૂંક સમયમાં તેના Xtreme 160Rનું અપડેટેડ વર્ઝન લોન્ચ કરવા જઈ રહ્યું છે. જેમાં USD ફોર્કસ પણ મળશે. તે વધુ સારી સ્ટાઇલ અને નવા રંગ વિકલ્પો સહિત અન્ય અપડેટ્સ પણ મેળવશે. આ સાથે તેમાં કેટલાક નવા ફીચર્સ પણ મળી શકે છે. તેના નવા ટીઝરમાં કાળા રંગના એલોય વ્હીલ્સ અને સોનેરી USD ફોર્ક જોવા મળી શકે છે. હીરોએ એક્ઝોસ્ટ અને રમ્બલિંગ સાઉન્ડને પણ ટીઝ કર્યા છે. જ્યારે હીરો એક્સ્ટ્રીમમાં સ્પોર્ટી ડિઝાઇન પણ ઉપલબ્ધ હશે. વધુ વજન હોવા છતાં તે એક કોમ્યુટર બાઇક જેવી લાગે છે. જે સામાન્ય રીતે હીરોની એન્ટ્રી-લેવલ બાઇક સાથે સંકળાયેલી હોય છે. તેની Pulsar NS 160, Apache RTR 160 અને Suzuki Gixxer સાથે સ્પર્ધા થશે.
પલ્સર NS 160 સાથે સ્પર્ધા
આ વર્ષે માર્ચમાં બજાજે અપડેટેડ પલ્સર NS160 અને NS200ને યુએસડી ફ્રન્ટ ફોર્ક્સ સાથે સજ્જ કર્યા જેથી એન્ટ્રી-લેવલ પરફોર્મન્સ બાઈકની શોધ કરનારાઓને વધુ મૂલ્ય પ્રદાન કરી શકાય. તે USD ફોર્ક મેળવે છે અને વધુ મસ્કુલર અને ઈમ્પ્રેસિવ પ્રોફાઇલ સાથે વધુ સારી રીતે હેન્ડલિંગ કરે છે.
હાલનું એન્જિન જ રહેશે અકબંધ
Hero MotoCorp Xtreme 160Rને સમાન સુવિધાઓથી સજ્જ કરવા માંગે છે. ટીઝરથી જાણવા મળ્યું છે કે, તેને ગોલ્ડન USD ફ્રન્ટ ફોર્ક મળશે. આ સાથે જ યુએસડી ફોર્ક્સની સાથે કેટલાક અન્ય મોટા અપડેટ્સ પણ મળી શકે છે. બજાજ પલ્સર અને હીરો એક્સટ્રીમ પછી, ટીવીએસ અને સુઝુકી પણ તેમની બાઇકમાં સમાન અપડેટ આપી શકે છે. તેના એન્જિનમાં કોઈ ફેરફાર કરવામાં આવશે નહીં અને હાલનું એન્જિન તેમાં મળતું રહેશે. તેના એન્જિનને નવા BS6 સ્ટેજ II ઉત્સર્જન ધોરણો અનુસાર પહેલાથી જ અપગ્રેડ કરવામાં આવ્યું છે.
પાવરટ્રેન
Hero Xtreme 160R ને 163 cc, એર-કૂલ્ડ એન્જિન મળે છે, જે 15 PS ની શક્તિ અને 14 Nm નો પીક ટોર્ક જનરેટ કરે છે. તે 5-સ્પીડ કોન્સ્ટન્ટ મેશ ગિયરબોક્સ સાથે જોડાયેલું છે. જ્યારે પલ્સર NS160ને 160.3 cc, ઓઇલ કૂલ્ડ, 4-વાલ્વ એન્જિન મળે છે જે 17.2 PS અને 14.6 Nm આઉટપુટ કરે છે. અપડેટેડ Hero Xtreme 160Rમાં ડ્યુઅલ-ચેનલ ABS આપવામાં આવી શકે છે. વર્તમાન બાઇકમાં 276 mm ફ્રન્ટ અને 220 mm પેટલ ડિસ્ક સાથે સિંગલ-ચેનલ ABS છે, જ્યારે પલ્સર NS160 અને NS200 પહેલાથી જ ડ્યુઅલ-ચેનલ ABS ધરાવે છે.
ટ્રેન્ડિંગ સમાચાર
ટોપ સ્ટોરી
