Mahindra Thar.e: મહિંદ્રાએ થાર ઈલેક્ટ્રિકના પ્રોડક્શનને લઈ ઉઠાવ્યું મોટુ પગલુ, જાણો શું છે અપડેટ
મહિન્દ્રા થાર ઇલેક્ટ્રિક એસયુવી (Thar.e), જે ઓગસ્ટમાં એક કોન્સેપ્ટ તરીકે પ્રદર્શિત કરવામાં આવી હતી, તેને હવે ભારતમાં સત્તાવાર રીતે હોમોલોગ કરવામાં આવી છે.
Mahindra Thar Electric SUV: મહિન્દ્રા થાર ઇલેક્ટ્રિક એસયુવી (Thar.e), જે ઓગસ્ટમાં એક કોન્સેપ્ટ તરીકે પ્રદર્શિત કરવામાં આવી હતી, તેને હવે ભારતમાં સત્તાવાર રીતે હોમોલોગ કરવામાં આવી છે, જે તેના ઉત્પાદન તરફનું એક મહત્વપૂર્ણ પગલું છે. મહિન્દ્રા ગ્રુપના ચેરમેન આનંદ મહિન્દ્રાએ આ ઈલેક્ટ્રિક એસયુવીને પ્રોડક્શન માટે કન્ફર્મ કરી હતી. જો કે તેની સત્તાવાર લોન્ચ સમયરેખા હજુ સુધી જાહેર કરવામાં આવી નથી, પરંતુ તે આગામી 2-3 વર્ષમાં બજારમાં આવવાની ધારણા છે. હોમોલોગેશન એ સુનિશ્ચિત કરે છે કે વાહન રસ્તા માટે યોગ્ય ગણવા માટે જરૂરી ટેકનિક અને કાનૂની જરૂરિયાતોને પૂર્ણ કરે છે, જેમાં કામગીરી, ઉત્સર્જન, સુરક્ષા સુવિધાઓ અને ઉત્પાદન ધોરણોનું સંપૂર્ણ મૂલ્યાંકન સામેલ છે.
મહિન્દ્રા થાર ઇલેક્ટ્રિક ડિઝાઇન
Mahindra Thar.E કોન્સેપ્ટ મોડલ મજબૂત આકર્ષણ આપે છે. જેમાં ગ્રાઉન્ડ ક્લિયરન્સ, સ્ક્વેર ફેંડર્સ અને ફ્લેટ પેનલ્સ જેવી સુવિધાઓ છે. આગળના ભાગમાં, SUVને ત્રણ LED સ્લેટ એલિમેન્ટ્સ, ક્વાર્ટર્ડ અને સ્ક્વેર હેડલેમ્પ્સ અને મજબૂત બમ્પર સાથે શાનદાર ગ્રિલ આપવામાં આવી છે, જ્યારે પાછળના ભાગમાં યુટિલિટી કોમ્પેક્ટ પ્રોફાઇલ છે.
મહિન્દ્રા થાર ઇલેક્ટ્રિક પ્લેટફોર્મ
પરંપરાગત ICE થાર લૈડર-ફ્રેમ ચેસિસ પર આધારિત છે, જ્યારે ઇલેક્ટ્રિક થારને મહિન્દ્રાના અપડેટેડ આઈઈએનજીએલઓ-પી1 ડેડીકેટેડ EV પ્લેટફોર્મ પર ડિઝાઇન કરવામાં આવ્યું છે. આ સ્કેટબોર્ડ-સ્ટાઈલ આર્કિટેક્ચર મલ્ટીપર્પસ છે, જે વિભિન્ન વ્હીલબેઝની હાઈટ અને લંબાઈને એડોપ્ટ કરવામાં સક્ષમ છે, જે તેને ભવિષ્યની ઇલેક્ટ્રિક SUV માટે યોગ્ય બનાવે છે. મહિન્દ્રા થાર ઇલેક્ટ્રિક એસયુવીને તેના ICE મોડલ કરતાં વધુ લાંબી વ્હીલબેઝ મળવાની અપેક્ષા છે.
મહિન્દ્રા થાર ઇલેક્ટ્રિક ઇન્ટિરિયર
ઈન્ટિરિયરમાં મહિંદ્રા Thar.E માં એક ફ્લેટ ટોપ અને બોટમ સાથે થ્રી-સ્પોક, મલ્ટી-ફંક્શન સ્ટીયરિંગ વ્હીલ, એક લાંબી સેન્ટર કંસોલ છે જેમાં યૂનિક ગિયર લીવર અને એરિયા-બેસ્ડ ડ્રાઇવ મોડ કંટ્રોલ છે. એસયુવીની બકેટ સીટોમાં ચોરસ પેટર્ન, મજબૂત ગ્રેબ હેન્ડલ્સ અને આકર્ષક રેડ એક્સેંટ, ડેશબોર્ડ પર એક ઈન્ટીગ્રેટેડ ટચસ્ક્રીન ડિસ્પ્લે સાથે એક ફ્લેટ ડિઝાઈન આપવામાં આવી છે.
પાવરટ્રેન
મહિન્દ્રા શરૂઆતમાં પોતાની સ્કેટબોર્ડ આધારિત ઈલેક્ટ્રિક SUV માટે બેટરી અને મોટર ખરીદશે અને ઈલેક્ટ્રિક થારમાં ફોક્સવેગન તરફથી પૂરી પાડવામાં આવતી વધુ શક્તિશાળી ઇલેક્ટ્રિક પાવરટ્રેનનો ઉપયોગ કરે તેવી શક્યતા છે. કંપનીએ પહેલાથી જ પુષ્ટિ કરી છે કે તેની આગામી ઇલેક્ટ્રિક SUV, જે 80kWh બેટરી પેકથી સજ્જ છે, જેમાં લગભગ 435-450 કિમીની WLTP સાયકિલ રેન્જ મળવાની અપેક્ષા છે.
ટોપ સ્ટોરી
ટ્રેન્ડિંગ સમાચાર
