Mahindra New EV: મહિંદ્રા લાવશે એક્સયૂવી 300 ઈવી, XUV 400 ઈલેક્ટ્રિક એસયૂવી કરતા ઓછી હશે કિંમત
ઘણી સ્પાઈ તસવીરો અને વીડિયોમાં અપડેટેડ મહિન્દ્રા XUV300 સબ-કોમ્પેક્ટ SUV જોવામાં આવી છે, જેનું કંપની વ્યાપકપણે પરીક્ષણ કરી રહી છે.
Mahindra XUV300: ઘણી સ્પાઈ તસવીરો અને વીડિયોમાં અપડેટેડ મહિન્દ્રા XUV300 સબ-કોમ્પેક્ટ SUV જોવામાં આવી છે, જેનું કંપની વ્યાપકપણે પરીક્ષણ કરી રહી છે. જો કે તેની સત્તાવાર લોન્ચિંગ તારીખ જાહેર કરવામાં આવી નથી, પરંતુ, તાજેતરના મીડિયા અહેવાલમાં દાવો કરવામાં આવ્યો છે કે ફેસલિફ્ટેડ મહિન્દ્રા XUV300 ફેબ્રુઆરી 2024 સુધીમાં લોન્ચ થઈ શકે છે. કંપની આ સબ-કોમ્પેક્ટ SUVને ઇલેક્ટ્રિક પાવરટ્રેન સાથે રજૂ કરવાની યોજના ધરાવે છે, જેમાં EV-વિશિષ્ટ ડિઝાઇનનો સમાવેશ થાય છે.
XUV400 EV કરતાં સસ્તી હશે
XUV300 કરતાં થોડી મોટી સાઈઝવાળી Mahindra XUV400 કરતાં સસ્તી હશે, જે હાલમાં Tata Nexon EV ને ટક્કર આપે છે. XUV300 EV ના આગમન પછી, તેનો મુકાબલો Nexon EV સાથે થશે. રિપોર્ટમાં અંદાજ છે કે તેની કિંમત XUV400 EV કરતાં લગભગ રૂ. 2 લાખ ઓછી છે, જે હાલમાં રૂ. 15.99 લાખથી રૂ. 19.39 લાખની એક્સ-શોરૂમ કિંમતે ઉપલબ્ધ છે. નવી Mahindra XUV300 EV ની સત્તાવાર કિંમત જૂન 2024 સુધીમાં જાહેર થવાની અપેક્ષા છે.
પાવરટ્રેન
રિપોર્ટ અનુસાર, Mahindra XUV300 EV માં 35kWhનું નાનું બેટરી પેક હશે, જે ફ્રન્ટ એક્સલ-માઉન્ટેડ ઇલેક્ટ્રિક મોટર સાથે 150bhp પાવર અને 310Nm ટોર્ક જનરેટ કરશે. તેનાથી વિપરીત, XUV400 સમાન પાવરટ્રેન સેટઅપથી સજ્જ છે, MIDC અનુસાર, એક જ ચાર્જ પર 375 કિમીની રેન્જ પહોંચાડવામાં સક્ષમ છે. તેના બેટરી પેકને 50kW DC ફાસ્ટ ચાર્જરનો ઉપયોગ કરીને માત્ર 50 મિનિટમાં 0 થી 80 ટકા સુધી ચાર્જ કરી શકાય છે.
EV-વિશિષ્ટ ડિઝાઇન મળશે
XUV300 ઈલેક્ટ્રિક SUVની ડિઝાઈન અને સ્ટાઈલ મહિન્દ્રાની આગામી BE (બોર્ન-ઈલેક્ટ્રિક) SUVથી પ્રેરિત હશે. મોટાભાગના કોસ્મેટિક ફેરફારો મુખ્યત્વે આગળના ભાગમાં કરવામાં આવશે, જેમાં સેન્ટ્રલ એર ઈંટેક, અપડેટેડ હેડલેમ્પ્સ, નવા LED DRLs અને એક અપડેટ બમ્પરનો સમાવેશ થાય છે. આ ઉપરાંત, તેને ફરીથી ડિઝાઇન કરેલા એલોય વ્હીલ્સ, ફુલ-વાઇડ LED લાઇટ બાર સાથેનું નવું ટેલગેટ અને અન્ય ફેરફારો મળવાની શક્યતા છે. નવી Mahindra XUV300 EVમાં મોટી ટચસ્ક્રીન ઇન્ફોટેનમેન્ટ સિસ્ટમ, નવું સેન્ટર કન્સોલ અને અપડેટેડ ડેશબોર્ડ ડિઝાઇન મળશે.
મહિન્દ્રા XUV300 સબ-કોમ્પેક્ટ SUV સત્તાવાર લોન્ચિંગ તારીખ જાહેર કરવામાં આવી નથી, પરંતુ, તાજેતરના મીડિયા અહેવાલમાં દાવો કરવામાં આવ્યો છે કે ફેસલિફ્ટેડ મહિન્દ્રા XUV300 ફેબ્રુઆરી 2024 સુધીમાં લોન્ચ થઈ શકે છે.
ટ્રેન્ડિંગ સમાચાર
ટોપ સ્ટોરી
