સિંગલ ચાર્જ પર દોડે છે 501 KM, આ ઇલેક્ટ્રિક બાઇકની ડિલિવરી આજથી શરૂ,જાણો કિંમત
Ola Roadster X Bike Delivery: ઓલાએ રોડસ્ટર X Plusની સાથે 3 બેટરી પેક સાથે રોડસ્ટર એક્સ પણ લોન્ચ કર્યું છે. આમાં 2.5 kW, 3.5 kW અને 4.5 kW બેટરી પેકનો સમાવેશ થાય છે.
Ola Roadster X and X Plus Bike Delivery: ઓલા ઇલેક્ટ્રિકે ભારતીય બજારમાં આજથી એટલે કે 23 મે 2025 થી તેની પ્રથમ ઇલેક્ટ્રિક બાઇક રોડસ્ટર એક્સની ડિલિવરી શરૂ કરી દીધી છે. કંપનીએ આ અંગેની વિગતો બે દિવસ પહેલા જ શેર કરી હતી, ત્યારબાદ ઇલેક્ટ્રિક બાઇકની ડિલિવરી તબક્કાવાર શરૂ થઈ ગઈ છે.
You’ve waited. You’ve watched. Now, it’s time to ride. #RoadsterX is here. #RideTheFuture #BikeOfTheFuture ⚡️ pic.twitter.com/rmG9MUAtrU
— Ola Electric (@OlaElectric) May 23, 2025
કંપનીએ આ એન્ટ્રી લેવલ X શ્રેણીમાં 2 મોડેલ રોડસ્ટર X અને રોડસ્ટર X પ્લસ લોન્ચ કર્યા છે. મોટી વાત એ છે કે આ બાઇક એક જ ચાર્જ પર 501 કિલોમીટરની રેન્જ આપશે. ઓલાની આ બાઇક ઓલા જેન 3 પ્લેટફોર્મ પર આધારિત છે.
ઓલા રોડસ્ટર એક્સ પ્લસની વિશેષતાઓ
ઓલા રોડસ્ટર એક્સ પ્લસ ઇલેક્ટ્રિક 2 બેટરી પેક સાથે લોન્ચ કરવામાં આવી છે. આમાં 4.5 kWh અને 9.1 kWh બેટરી પેકનો સમાવેશ થાય છે. તેમાં 11 કિલોવોટ પીક પાવર ધરાવતી મોટર છે. તે 2.7 સેકન્ડમાં 0 થી 40 કિલોમીટર પ્રતિ કલાકની ઝડપે પહોંચી જાય છે. કંપનીનો દાવો છે કે મોટા બેટરી પેક સાથે, તેની IDC રેન્જ 501 કિમી છે. ત્રણ રાઇડિંગ મોડ સાથે આવતા આ સ્કૂટરના 4.5 kW બેટરી પેકની કિંમત 1 લાખ 5 હજાર રૂપિયા છે, જ્યારે 9.1 kW બેટરી પેકની કિંમત 1 લાખ 55 હજાર રૂપિયા છે.
ઓલા રોડસ્ટર એક્સની શક્તિ
રોડસ્ટર એક્સ પ્લસની સાથે, ઓલાએ 3 બેટરી પેક સાથે રોડસ્ટર એક્સ પણ લોન્ચ કર્યું છે. આમાં 2.5 kW, 3.5 kW અને 4.5 kW બેટરી પેકનો સમાવેશ થાય છે. આમાં 7 kW પીક પાવર ધરાવતી મોટર છે. બાઇકની ટોપ સ્પીડ વિશે વાત કરીએ તો, તે 118 કિમી પ્રતિ કલાક છે અને તે માત્ર 3.1 સેકન્ડમાં 0 થી 40 કિમી પ્રતિ કલાકની ઝડપે પહોંચી જાય છે.
રોડસ્ટર X બાઇકની કિંમત કેટલી છે?
ઓલા રોડસ્ટર એક્સ બાઇક અંગે, કંપનીનો દાવો છે કે તેની IDC રેન્જ 252 કિમી છે. આ બાઇકની કિંમત વિશે વાત કરીએ તો, 2.5 kW બેટરી પેકની કિંમત 74 હજાર 999 રૂપિયા, 3.5 kW બેટરી પેકની કિંમત 84 હજાર 999 રૂપિયા અને 4.5 kW બેટરી પેકની કિંમત 94 હજાર 999 રૂપિયા છે. તમને જણાવી દઈે કે ઓલાની ઈલેક્ટ્રીક સ્કુટર પહેલા જ માર્કેટમાં છે. હવે આ બાઈક માર્કેટમાં આવી છે.
ટોપ સ્ટોરી
ટ્રેન્ડિંગ સમાચાર
