Royal Enfield : રોયલ એનફિલ્ડના શોખીનો માટે માઠા સમાચાર

આ બાઇક ચેન્નાઈ સ્થિત ટુ-વ્હીલર ઉત્પાદકની સૌથી સસ્તું બાઇક છે. જેના ભાવમાં બીજી વખત વધારો કરવામાં આવ્યો છે. અમે આ બાઇકની નવી કિંમત વિશે માહિતી આપવા જઈ રહ્યા છીએ.

Royal Enfield

Royal Enfield Bikes: Royal Enfield Hunter 350 ગયા વર્ષે ઓગસ્ટમાં લૉન્ચ કરવામાં આવી હતી, જેને ગ્રાહકો તરફથી સારો પ્રતિસાદ મળ્યો હતો અને બાઇકનું સારું વેચાણ થયું હતું. આ બાઇક ચેન્નાઈ સ્થિત ટુ-વ્હીલર ઉત્પાદકની સૌથી સસ્તું બાઇક છે. જેના ભાવમાં બીજી વખત વધારો કરવામાં આવ્યો છે. અમે આ બાઇકની નવી કિંમત વિશે માહિતી આપવા જઈ રહ્યા છીએ.

royal enfield hunter 350 નવી કિંમત

કંપની તેના Royal Enfield Hunter 350ને બે વેરિઅન્ટ (રેટ્રો અને મેટ્રો)માં વેચે છે. કંપનીએ આ બાઈકની કિંમતમાં 3,000 રૂપિયાનો વધારો કર્યો છે, ત્યારબાદ તેની નવી કિંમતો હવે 1.49 લાખ રૂપિયાથી લઈને 1.75 લાખ રૂપિયા એક્સ-શોરૂમ છે. સ્થાનિક બજારમાં આ બાઇક TVS Ronin, Jawa 43, Honda CB350RS જેવી બાઇક સાથે સ્પર્ધા કરે છે.

રોયલ એનફિલ્ડ હન્ટર 350 એન્જિન અને માઇલેજ

કંપની આ બાઇકમાં 349cc સિંગલ સિલિન્ડર એર ઓઇલ કૂલ્ડ, ફ્યુઅલ ઇન્જેક્ટેડ મોટર આપે છે, જે 6100rpm પર 20.2 bhpનો પાવર અને 4000rpm પર 27Nmનો ટોર્ક જનરેટ કરે છે. આ એન્જિન 5-સ્પીડ મેન્યુઅલ ગિયરબોક્સ સાથે જોડાયેલું છે. કંપની આ બાઇક માટે 36.2 કિલોમીટર પ્રતિ લિટર સુધીની માઇલેજનો દાવો કરે છે.

આગામી રોયલ એનફિલ્ડ બાઇક્સ

કંપની આવનારા મહિનાઓમાં આવી કેટલીક બાઇકો લોન્ચ કરવાની તૈયારી કરી રહી છે, જેમાં નવી પેઢીના બુલેટ 350 અને હિમાલયન 450નો સમાવેશ થાય છે જે આ વર્ષના અંત સુધીમાં લોન્ચ થઈ શકે છે. આ ઉપરાંત, રોયલ એનફિલ્ડ હિમાલયન 450 પર આધારિત 450cc નેકેડ રોડસ્ટર બાઇક તેમજ શોટગન 650 અને કોન્ટિનેંટલ જીટીના નવા પ્રકારો પર પણ કામ કરી રહી છે.

Royal Enfield: રોયલ એનફિલ્ડે કરી કમાલ, રિપ્પોર્ટમાં થયો ખુલાસો

ટુ-વ્હીલર ઉત્પાદક રોયલ એનફિલ્ડે માર્ચ 2023 માટે તેનો વેચાણ અહેવાલ જાહેર કર્યો છે. આ સમયગાળા દરમિયાન કંપનીએ કુલ 72,235 મોટરસાઇકલ વેચી છે. જ્યારે માર્ચ 2022માં કંપનીએ કુલ 67,677 યુનિટ્સનું વેચાણ કર્યું હતું. એટલે કે રોયલ એનફિલ્ડનું વેચાણ વાર્ષિક ધોરણે 7% વધ્યું છે.

કંપનીએ ઘણું વેચાણ કર્યું

નાણાકીય વર્ષ 2022-23માં, રોયલ એનફિલ્ડે કુલ 8,34,895 મોટરસાઇકલનું વેચાણ નોંધાવ્યું છે, જે કંપની માટે અત્યાર સુધીનું સૌથી વધુ વેચાણ છે. આ આંકડો 2021-22ની સરખામણીમાં 39% વધુ છે. કંપનીએ નાણાકીય વર્ષ 2022-23માં પ્રથમ વખત 1,00,000 કરતાં વધુ વાહનોની નિકાસ કરી હતી, જે નાણાકીય વર્ષ 2021-22 કરતાં 23% વધુ છે. જ્યારે કંપનીએ પાછલા વર્ષની સરખામણીમાં 41%ના વધારા સાથે સ્થાનિક બજારમાં 7,34,840 એકમોનું વેચાણ કર્યું છે.