Tata Punch EV On EMI: નાના પરિવાર માટે બેસ્ટ ઓપ્શન છે Tataની EV, માત્ર 2 લાખ પેમેન્ટ કરી ઘરે લાવો

Tata Punch EV On EMI: ટાટા મોટર્સનું કહેવું છે કે પંચ EV સંપૂર્ણ ચાર્જ પર 315 કિલોમીટરની ડ્રાઇવિંગ રેન્જ આપે છે. તેમજ તેની મહત્તમ સ્પીડ 140 કિલોમીટર પ્રતિ કલાક છે.

નાની ફેમિલી માટે શ્રેષ્ઠ ઓપ્શન છે ટાટાની ઈ.વી કાર

Source : https://ev.tatamotors.com

Tata Punch EV on EMI: ઇલેક્ટ્રિક વાહનોની માંગ હવે ધીમે ધીમે વધવા લાગી છે.આ જ કારણ છે કે કાર મેન્યુફેક્ચરિંગ કંપનીઓ પણ ઈલેક્ટ્રિક બાઇક સહિત ઘણી નવી ઈલેક્ટ્રિક કાર લોન્ચ કરી રહી છે. ટાટા મોટર્સ આ સેગમેન્ટમાં સારું કામ કરી રહી છે. જો તમે આ તહેવારોની સિઝનમાં શ્રેષ્ઠ ઈલેક્ટ્રિક કાર ખરીદવાનું વિચારી રહ્યા છો, તો અહીં અમે તમને ટાટાની શ્રેષ્ઠ ઈવી વિશે જણાવવા જઈ રહ્યા છીએ જે આર્થિક હોવાની સાથે સાથે શ્રેષ્ઠ સુવિધાઓ પણ ધરાવે છે.

ટાટા પંચની ઓન-રોડ કિંમત શું છે?

અમે જે કાર વિશે વાત કરી રહ્યા છીએ તે અન્ય કોઈ નહીં પણ Tata Punch EV છે, જેની ઓન-રોડ કિંમત લગભગ 10 લાખ 40 હજાર રૂપિયા છે. જો તમે 2 લાખ રૂપિયાના ડાઉન પેમેન્ટ સાથે આ કાર ખરીદો છો, તો તમારે 9.8 ટકાના વ્યાજ દરે 5 વર્ષ સુધી દર મહિને 18 હજાર રૂપિયાની EMI ચૂકવવી પડશે. તમારી જાણકારી માટે, અમે તમને જણાવી દઈએ કે કાર લોન મેળવવી એ તમારા પર્સનલ ક્રેડિટ સ્કોર પર આધાર રાખે છે. આ સાથે, ઓન-રોડ કિંમતો પણ શહેરો અને ડીલરશીપના આધારે બદલાઈ શકે છે.                     

ટાટા પંચ EVના વિશિષ્ટતાઓ અને એન્જિન

ટાટા મોટર્સની પંચ EV માં પાવર માટે 25 kWh ક્ષમતા સાથે લિથિયમ આયન બેટરી પેકનો ઉપયોગ કરવામાં આવ્યો છે. કંપનીનો દાવો છે કે, આ બેટરી પેકને AC ચાર્જર વડે 3.6 કલાકમાં 10 થી 100 ટકા અને DC ફાસ્ટ ચાર્જરથી 56 મિનિટમાં 10 થી 80 ટકા સુધી ચાર્જ કરી શકાય છે.                                                                          

ટાટા મોટર્સનું કહેવું છે કે, પંચ EV સંપૂર્ણ ચાર્જ પર 315 કિલોમીટરની ડ્રાઇવિંગ રેન્જ પ્રદાન કરી શકે છે. ઉપરાંત, તે મહત્તમ 140 કિલોમીટર પ્રતિ કલાકની ઝડપે દોડી શકે છે. કંપનીના જણાવ્યા અનુસાર,પંચ ઇવીને 0થી 100 કિલોમીટર પ્રતિ કલાકની રફતાર હાસિલ કરવામાં 9.5 સેકન્ડનો સમય લાગે છે.