જલદી EV વર્ઝનમાં લૉન્ચ થવા થશે ટાટાની આ મજબૂત કાર, સિંગલ ચાર્જમાં 500 km ની રેન્જ

Tata Harrier EV Launching Soon: ટાટા હેરિયર EV ની ડિઝાઇન ડીઝલ મૉડલ જેવી હશે. તે કેબિન માટે ડ્યુઅલ-ટોન બ્લેક અને વ્હાઇટ કલર સ્કીમનો ઉપયોગ કરે તેવી શક્યતા છે

(તસવીર- એબીપી લાઇવ)

Source : એબીપી અસ્મિતા

Tata Harrier EV Launching Soon: ભારતીય બજારમાં ટાટા મૉટર્સની કારનો ભારે ક્રેઝ છે. આ જ કારણ છે કે કંપનીની કાર સૌથી વધુ વેચાય છે. હવે આ ક્રમમાં, ટાટાએ બીજી નવી ઇલેક્ટ્રિક કાર લોન્ચ કરવાની યોજના બનાવી છે. આ ઇલેક્ટ્રિક કાર બીજી કોઈ નહીં પણ ટાટા હેરિયર EV છે. કંપની આ કારને acti.ev પ્લસ આર્કિટેક્ચરમાં રજૂ કરવા જઈ રહી છે.

ટાટા હેરિયર EV ની ડિઝાઇન ડીઝલ મૉડલ જેવી હશે. તે કેબિન માટે ડ્યુઅલ-ટોન બ્લેક અને વ્હાઇટ કલર સ્કીમનો ઉપયોગ કરે તેવી શક્યતા છે. કેબિનમાં ૧૨.૩-ઇંચ ટચસ્ક્રીન ઇન્ફોટેનમેન્ટ સિસ્ટમ, ૧૦.૨૫-ઇંચ ડિજિટલ ઇન્સ્ટ્રૂમેન્ટ ક્લસ્ટર, વેન્ટિલેટેડ ફ્રન્ટ સીટ જેવી પ્રીમિયમ સુવિધાઓ આપવામાં આવશે. તાજેતરમાં પરીક્ષણ દરમિયાન ટાટાની આ નવી EV કારની કેટલીક તસવીરો પણ જોવા મળી હતી, જેને જોયા પછી ખબર પડી કે કંપની આ EV ને નવી ટેલલાઇટ સાથે રજૂ કરવા જઈ રહી છે.

Tata Harrier EV ની રેન્જ અને ફિચર્સ 
આ ઇલેક્ટ્રિક કારની રેન્જ વિશે વાત કરીએ તો, કંપનીનો દાવો છે કે હેરિયર EV એક વાર ચાર્જ કર્યા પછી 500 કિલોમીટરની રેન્જ આપી શકશે. આ હેરિયરમાં તમને ડ્યૂઅલ-મૉટર સેટઅપ મળશે, જે ઓલ-વ્હીલ ડ્રાઇવથી સજ્જ હશે. સલામતી સુવિધાઓ તરીકે હેરિયર EV માં ADAS, ઓલ-LED લાઇટિંગ, નવા એલોય વ્હીલ્સ, પેનોરેમિક સનરૂફ, V2V અને V2L ચાર્જિંગ અને સમન ફીચર મળવાની અપેક્ષા છે.

આ ઇવીની શું હોઇ શકે છે કિંમત ?  
કિંમતની વાત કરીએ તો Tata Harrier EV ને એક સસ્તું વેરિઅન્ટ તરીકે લાવી શકાય છે. કંપનીની આ EV ની કિંમત 30 લાખ રૂપિયા એક્સ-શોરૂમ હોવાની અપેક્ષા છે. આ કાર ટૂંક સમયમાં લોન્ચ થવાની અપેક્ષા છે. માહિતી અનુસાર, ટાટા હેરિયર EV ને કંપનીની સૌથી શક્તિશાળી EV તરીકે રજૂ કરી શકાય છે.

આ પણ વાંચો