Hyundai Creta થી લઈ Tata Nexon સુધી, ભારતમાં આ 5 કારોની સૌથી વધુ ડિમાન્ડ 

દેશમાં દર મહિને લાખો કાર વેચાય છે પરંતુ કેટલાક મોડેલ ગ્રાહકોના પ્રિય રહ્યા છે. નવેમ્બરના આંકડા દર્શાવે છે કે ટાટા, મારુતિ અને હ્યુન્ડાઇ કારે ફરી એકવાર વેચાણમાં અસાધારણ રીતે સારું પ્રદર્શન કર્યું છે.

ભારતમાં આ 5 કારોની સૌથી વધુ ડિમાન્ડ

Source : તસવીર સોશિયલ મીડિયા

દેશમાં દર મહિને લાખો કાર વેચાય છે પરંતુ કેટલાક મોડેલ ગ્રાહકોના પ્રિય રહ્યા છે. નવેમ્બરના તાજેતરના આંકડા દર્શાવે છે કે ટાટા, મારુતિ અને હ્યુન્ડાઇ કારે ફરી એકવાર વેચાણમાં અસાધારણ રીતે સારું પ્રદર્શન કર્યું છે. ચાલો જાણીએ કે ભારતમાં કઈ પાંચ કારની સૌથી વધુ માંગ હતી.

Tata Nexon

નવેમ્બર 2025 માં ટાટા નેક્સને ફરી એકવાર ટોચનું વેચાણ સ્થાન મેળવ્યું. આ SUV એ 22,434 યુનિટ વેચ્યા જેનાથી તે દેશમાં નંબર વન કાર બની. મજબૂત સલામતી રેટિંગ, ત્રણ પાવરટ્રેન વિકલ્પો: પેટ્રોલ, ડીઝલ અને EV  અને નવીન ડિઝાઇન અને ટેક સુવિધાઓને કારણે નેક્સનની લોકપ્રિયતા સતત વધી રહી છે. તેના વેચાણમાં વાર્ષિક ધોરણે 46% વૃદ્ધિ પણ નોંધાઈ છે, જે તેની મજબૂત પકડનો પુરાવો છે.

Maruti Dzire

મારુતિ ડિઝાયર કોમ્પેક્ટ સેડાન સેગમેન્ટમાં તેનું સ્થાન જાળવી રાખવાનું ચાલુ રાખે છે. નવેમ્બર 2025 માં, તેણે 21,082 યુનિટ વેચ્યા જેનાથી તે દેશમાં બીજા ક્રમની સૌથી વધુ વેચાતી કાર બની. ડિઝાયરની લોકપ્રિયતા મુખ્યત્વે તેના શાનદાર માઇલેજ, આરામદાયક કેબિન અને ઓછા મેન્ટેનન્સ ખર્ચને કારણે છે. વેચાણમાં વાર્ષિક ધોરણે 79%નો જંગી વધારો જોવા મળ્યો છે, જે સેડાનની મજબૂત માંગ દર્શાવે છે.

Maruti Swift

મારુતિ સ્વિફ્ટ ભારતીય પરિવારો અને યુવાનોમાં પ્રિય હેચબેક રહી છે. ગયા મહિને તે 19,733 યુનિટના વેચાણ સાથે ત્રીજા ક્રમે રહી. સ્વિફ્ટ સતત માંગમાં રહે છે કારણ કે તે સ્પોર્ટી ડિઝાઇન,  એન્જિન અને ઉત્તમ ઇંધણ કાર્યક્ષમતાનું શક્તિશાળી સંયોજન પ્રદાન કરે છે. સ્વિફ્ટનું વેચાણ વાર્ષિક ધોરણે 34% વધ્યું.

Tata Punch

ટાટા પંચ, માઇક્રો એસયુવી હોવા છતાં મોટી એસયુવીનો અનુભવ આપે છે. નવેમ્બરમાં, તેણે 18,753 યુનિટ વેચ્યા, જે તેને યાદીમાં ચોથા સ્થાને રાખે છે. પંચની વધતી માંગ તેની 5-સ્ટાર સલામતી, શ્રેષ્ઠ ડિઝાઇન અને પોષાય તેવી કિંમત છે. વેચાણ વર્ષ-દર-વર્ષ 21% વધ્યું છે, જે તેને ગ્રાહકો માટે વધુ ઇચ્છનીય પસંદગી બનાવે છે.

Hyundai Creta

હ્યુન્ડાઇ ક્રેટા ઘણા મહિનાઓથી ભારતની સૌથી વધુ વેચાતી SUV માંથી એક છે. ગયા મહિને, તેણે 17,344 યુનિટ વેચ્યા હતા, જે તેને પાંચમા સ્થાને લાવ્યા હતા. ક્રેટાની ખાસિયત  તેના ફિચર્સ-  Loaded કેબિન, સ્મૂથ ડ્રાઇવિંગ અનુભવ અને બહુવિધ એન્જિન વિકલ્પો છે. વેચાણમાં પણ વાર્ષિક ધોરણે 12% નો વધારો થયો છે.