MG Cyberster Launching: ભારતમાં ટૂંક સમયમાં જ લોન્ચ થશે આ ઇલેક્ટ્રિક સ્પોર્ટસ કાર, જાણો ફિચર્સ અને કિંમત
MG Cyberster Launching Soon: સાયબરસ્ટરની ડિઝાઇન ખૂબ જ આકર્ષક અને આધુનિક છે. તેમાં 77kWh લિથિયમ આયન બેટરી પેક હશે, જે સિંગલ ચાર્જ પર 500-580 કિમીની રેન્જ આપવામાં સક્ષમ છે.
MG Cyberster Electric Sports Car: પ્રીમિયમ સેલ્સ ચેનલ MG સિલેક્ટ જાન્યુઆરી 2025માં તેની પ્રોડક્ટનું પ્રદર્શન કરવા જઈ રહી છે.આ સેલ્સ ચેનલ દ્વારા વેચવામાં આવનાર પ્રથમ કાર સાયબરસ્ટર હશે. સાયબરસ્ટર ભારતમાં પહેલાથી જ પ્રદર્શિત થઈ ચૂક્યું છે અને હવે તે લોન્ચ થઈ શકે છે. MG Cyberster એ ફ્યુચરિસ્ટિક અને હાઇ પર્ફોમન્સ ઇવી છે. આ પહેલી ઇલેક્ટ્રિક સ્પોર્ટ્સ કાર હશે, જે તેના આવ્યા બાદ ધૂમ મચાવી શકે છે.
એમજી સિલેક્ટ ઇલેક્ટ્રિક કારની શ્રેણી લાવશે જેમાં EV તેમજ હાઇબ્રિડ અને પ્લગ-ઇન હાઇબ્રિડનો સમાવેશ થશે.
એમજી સાયબરસ્ટરની ડિઝાઇન ખૂબ જ આકર્ષક અને આધુનિક છે. તેમાં 77kWh લિથિયમ આયન બેટરી પેક હશે, જે સિંગલ ચાર્જ પર 500-580 કિમીની રેન્જ આપવામાં સક્ષમ હશે. આ ઇલેક્ટ્રિક સ્પોર્ટ્સ કારનું વજન 1,984 કિલોગ્રામ હશે. તેની લંબાઈ 4,533 mm, પહોળાઈ 1,912 mm અને ઊંચાઈ 1,328 mm હશે. આ કાર 3.2 સેકન્ડમાં 0-100 કિમી પ્રતિ કલાકની ઝડપ પકડી શકશે.
MG Cyberster ડિઝાઇન અને ફીચર્સ
સાયબરસ્ટરની ડિઝાઇન ખૂબ જ આકર્ષક અને મોર્ડન બનશે. તેને સ્પોર્ટ્સ કારના ઇલિમેન્ટસની સાથે ફ્યુટિરિસ્ટિક ટચ પણ આપવામાં આવશે. ફીચર્સ તરીકે, તમને શાર્પ લાઇન્સ, લો-રાઇડિંગ પ્રોફાઇલ, એડવાન્સ્ડ LED લાઇટિંગ સિસ્ટમ અને એરોડાયનેમિક શેપ મળશે. MG Cybersterને કન્વર્ટિબલ ડિઝાઇન સાથે રજૂ કરવામાં આવશે જે સ્પોર્ટી અને લક્ઝુરિયસ લુક સાથે આવે છે. આકર્ષક લાલ રંગમાં પ્રસ્તુત, આ સ્પોર્ટ્સ કારનો દેખાવ અને ડિઝાઇન ઘણી પરંપરાગત સ્પોર્ટ્સ કાર જેવી જ છે.
માત્ર બે સીટ સાથે આવતી આ સ્પોર્ટ્સ કારની કેબિનમાં તમને પૂરતી જગ્યા મળશે. તેમાં 19 થી 20 ઇંચના ડાયમંડ કટ એલોય વ્હીલ્સ છે. આ MG સ્પોર્ટ્સ કારમાં વર્ટિકલ ઈન્ફોટેનમેન્ટ સિસ્ટમ સાથે ઈન્સ્ટ્રુમેન્ટ ક્લસ્ટર માટે ત્રણ સ્ક્રીન છે, જેમાં વાયરલેસ Apple CarPlay અને Android Autoની સુવિધા પણ છે.
ટોપ સ્ટોરી
ટ્રેન્ડિંગ સમાચાર
