TVSના હાઇટેક ફિચર્સ વાળા ઇલેક્ટ્રિક સ્કૂટરની કિંમત ઘટી, અત્યારે છે સસ્તામાં ખરીદવાનો બેસ્ટ મોકો, જાણો.....
TVS મૉટર્સના આ વર્ષ લૉન્ચ થયેલા TVS iQube ઇલેક્ટ્રિક સ્કૂટરના ભાવ પણ એકદમ ઘટી ગયા છે. રિવાઇઝ્ડ FAME II સબસિડીની કારણે આ સ્કૂટર પર લગભગ 11,250 રૂપિયા ઓછી થઇ ગઇ છે.
નવી દિલ્હીઃ કેન્દ્ર સરકાર દ્વારા ઇલેક્ટ્રિક વાહનોને પ્રોત્સાહન આપવા માટે તેના પર મળનારી સબસિડીને વધારી છે, આ પછી TVS મૉટર્સના આ વર્ષ લૉન્ચ થયેલા TVS iQube ઇલેક્ટ્રિક સ્કૂટરના ભાવ પણ એકદમ ઘટી ગયા છે. રિવાઇઝ્ડ FAME II સબસિડીની કારણે આ સ્કૂટર પર લગભગ 11,250 રૂપિયા ઓછી થઇ ગઇ છે. કિંમત ઘટ્યા બાદ આ ઇલેક્ટ્રિક સ્કૂટરની કિંમત 100,777 (દિલ્હી) અને 110,506 (બેંગ્લુરુ) રૂપિયા થઇ ગઇ છે. જાણો ઇલેક્ટ્રિક સ્કૂટરના ખાસ ફિચર્સ વિશે......
75 કિલોમીટરની આપે છે રેન્જ-
TVS iQube Electric સ્કૂટર 4.4 kWની ઇલેક્ટ્રિક મૉટર વાળુ છે, એટલે કે આ સ્કૂટરમાં 4.4 કેવીની હેવી ઇલેક્ટ્રિક મોટર લગાવેલી છે. જે મહત્તમ 78 કિમી પ્રતિ કલાકની ઝડપે દોડી શકશે. એકવાર ફૂલ ચાર્જ થયા બાદ તે 75 કિમી જેટલું અંતર કાપી શકશે. આ ઇલેક્ટ્રિક સ્કૂટરની ટૉપ સ્પીડ 78 kmph છે. આ ઇલેક્ટ્રિક સ્કૂટર 4.2 સેકન્ડમાં 0 થી 40 કિલોમીટર પ્રતિ કલાકની સ્પીડ પકડી શકે છે.
આ છે ફિચર્સ-
TVS iQube Electric સ્કૂટરમાં એડવાન્સ્ડ ટીએફટી ક્લસ્ટર આપવામાં આવ્યુ છે. આ સ્કૂટરમાં જિઓ ફેન્સિંગ, રિમૉટ બેટરી ચાર્જ સ્ટેટસ, નેવિગેશન આસિસ્ટ, લાસ્ટ પાર્ક લૉકેશન, ઇનકમિંગ કૉલ એલર્ટ/ એસએમએસ એલર્ટ જેવા ફિચર્સ આપવામાં આવ્યા છે. આ ઉપરાંત આમાં કેટલાક હાઇટેક ફિચર્સ પણ આપવામાં આવ્યા છે. આમાં ક્યૂ-પાર્ક આસિસ્ટ, મલ્ટી સિલેક્ટ ઇકૉનોમી અને પાવર મૉડ, ડે એન્ડ નાઇટ ડિસ્પ્લે અને રિજનરેટિવ બ્રેકિંગ સામેલ છે.
Bajaj Chetak સાથે છે ટક્કર-
TVS iQube Electricની ટક્કર ભારતમાં Bajaj Chetak સાથે છે. આ સ્કૂટર માર્કેટમાં બે વેરિએન્ટમાં અવેલેબલ છે. આની કિંમત એક લાખ રૂપિયા રાખવામાં આવી છે. આ સ્કૂટરમાં 3 kWhની ક્ષમતાની બેટરી પેકનો યૂઝ કરવામાં આવ્યો છે. આ ઇલેક્ટ્રિક મૉટર 5.36 bhpનો પાવર અને 16 Nmનો ટોર્ક જનરેટ કરે છે. ફૂલ ચાર્જ કર્યા બાદ આ સ્કૂટર ઇકૉ મૉડમાં 95 કિલોમીટર અને સપોર્ટ મૉડમાં 85 કિલોમીટરની રેન્જ આપે છે.
ટોપ સ્ટોરી
ટ્રેન્ડિંગ સમાચાર
