કોંગ્રેસે કઈ નગરપાલિકા ભાજપ પાસેથી આંચકી લીધી, જાણો વિગત

મહુવાના મહિલા પ્રમુખની અઢી વર્ષની ટર્મ પૂરી થવાને કારણે પ્રમુખ અને ઉપ-પ્રમુખની ચૂંટણી યોજવામાં આવી હતી. ભાજપના કાઉન્સિલર બીપિન સંઘવી અને અન્ય છ સભ્યોએ કોંગ્રેસની તરફેણમાં મતદાન કર્યુ હતું. કોંગ્રેસે મંગુબેન બારૈયાને પ્રમુખ અને શૈલેષ સેંતાને ઉપ-પ્રમુખ જાહેર કર્યા હતા.

છેલ્લા બે દશકથી સૌરાષ્ટ્રમાં ભાજપની સત્તા છે. છેલ્લા ઘણાં વર્ષોથી તાલુકા અને જિલ્લા પંચાયતમાં પણ ભાજપની જ સત્તા હતી. કોંગ્રેસના ભાવનગર જિલ્લાના અધ્યક્ષ પ્રવિણ વાળાએ જણાવ્યું હતું કે, ભાજપના સાત સભ્યોએ અમને સાથ આપ્યો હતો અને 20 બેઠક સાથે બહુમત મેળવ્યો હતો.