બજેટ 2026 માં નિર્મલા સીતારમણની 1 જાહેરાતથી શેરબજારની માઠી દશા બેઠી, રોકાણકારોના ₹800000 કરોડ ડૂબ્યા
Stock Market Crash Today: બજેટના દિવસે 'બ્લેક સન્ડે'. STT વધારા અને બાયબેક ટેક્સથી સેન્સેક્સ 2370 પોઈન્ટ તૂટીને 80,000 ની નીચે ગયો. રોકાણકારોના ₹8 લાખ કરોડ ધોવાયા.
Stock Market Crash Today: મુંબઈ (Mumbai) થી શેરબજારના રોકાણકારો માટે નિરાશાજનક સમાચાર છે. દેશના કેન્દ્રીય બજેટ (Union Budget 2026) પર આખા દેશની નજર હતી, પરંતુ માર્કેટ માટે આજનો રવિવાર 'બ્લેક સન્ડે' સાબિત થયો છે. નાણામંત્રી નિર્મલા સીતારમણ (Nirmala Sitharaman) ના બજેટ ભાષણ દરમિયાન કરાયેલી અમુક ટેક્સ જાહેરાતોને કારણે શેરબજાર (Stock Market) પત્તાના મહેલની જેમ ધરાશાયી થયું હતું. બપોરના સેશનમાં આવેલી ગભરાટભરી વેચવાલી (Panic Selling) ના કારણે રોકાણકારોની અંદાજે ₹8 Lakh Crore જેટલી સંપત્તિ ક્ષણભરમાં ધોવાઈ ગઈ હતી.
રવિવારના આ સ્પેશિયલ ટ્રેડિંગ સેશનમાં બજારે ભારે વોલેટિલિટીનો સામનો કરવો પડ્યો હતો. BSE Sensex 2,370.36 પોઈન્ટ (2.88%) ના તોતિંગ ઘટાડા સાથે 80,000 ની મનોવૈજ્ઞાનિક સપાટી તોડીને 79,899.42 પર બંધ થયો હતો. જ્યારે 50 શેરોનો ઈન્ડેક્સ NSE Nifty પણ 748.9 પોઈન્ટ (2.95%) તૂટીને 24,571.75 ની સપાટીએ અટક્યો હતો, જે તાજેતરના સમયનો સૌથી મોટો ઘટાડો છે.
બજારમાં આ સુનામી આવવા પાછળ નાણામંત્રીની બે મોટી જાહેરાતો મુખ્યત્વે જવાબદાર છે. પ્રથમ ફટકો ડેરિવેટિવ્સ ટ્રેડિંગ પરના 'સિક્યોરિટીઝ ટ્રાન્ઝેક્શન ટેક્સ' (STT) માં કરાયેલો વધારો છે. જેમાં Futures પરનો STT 0.02% થી વધારીને 0.05% અને Options પ્રીમિયમ પરનો STT 0.1% થી વધારીને 0.15% કરવાનો પ્રસ્તાવ મુકાયો છે. આનાથી ટ્રેડિંગ મોંઘું થશે, જેની સીધી નેગેટિવ અસર માર્કેટ સેન્ટિમેન્ટ પર પડી છે.
બીજો મોટો ફટકો 'બાયબેક' (Buyback) પરના ટેક્સ નિયમોમાં ફેરફાર છે. અત્યાર સુધી કંપનીઓ ટેક્સ ભરતી હતી, પરંતુ હવે શેરધારકો માટે બાયબેકથી થતી આવક પર 'મૂડી લાભ કર' (Capital Gains Tax) લાગુ થશે. સરકારનો હેતુ ટેક્સ આર્બિટ્રેજ રોકવાનો છે, પરંતુ રોકાણકારોને આ નિર્ણય જરાય પસંદ આવ્યો નથી, જેના કારણે ભારે વેચવાલી જોવા મળી હતી.
માર્કેટ તૂટવાને કારણે માત્ર લાર્જકેપ જ નહીં પણ મિડકેપ અને સ્મોલકેપ શેરોમાં પણ લોહીયાળ ખેલ ખેલાયો હતો. નિફ્ટી મિડકેપ 100 ઇન્ડેક્સ 2.7% અને સ્મોલકેપ 3.4% જેટલો ઘટ્યો હતો. મોટા શેરોની વાત કરીએ તો ભારત ઇલેક્ટ્રોનિક્સ (6.50% ડાઉન), સ્ટેટ બેંક ઓફ ઈન્ડિયા (SBI), HCL ટેક, ટાટા સ્ટીલ અને એશિયન પેઇન્ટ્સમાં મોટું ધોવાણ થયું હતું.
આ અંધાધૂંધી વચ્ચે પણ અમુક ડિફેન્સિવ શેરો ટકી રહ્યા હતા. સન ફાર્મા, કોટક મહિન્દ્રા બેંક અને TCS જેવા શેરોમાં થોડી તેજી અને લીલા નિશાન જોવા મળ્યા હતા. જોકે, એકંદરે બજારનો મૂડ અત્યંત ખરાબ રહ્યો હતો.
નોંધનીય છે કે, શુક્રવારે વિદેશી સંસ્થાકીય રોકાણકારો (FII) એ ₹2,251.37 Crore ની ખરીદી કરીને બજારને સપોર્ટ આપ્યો હતો, પરંતુ બજેટના આંચકા સામે તે સપોર્ટ પણ ટકી શક્યો નહોતો. એશિયન બજારો રવિવારની રજા હોવાથી બંધ હતા, તેથી આ કડાકો સંપૂર્ણપણે સ્થાનિક પરિબળો અને બજેટની જાહેરાતોને આભારી છે.
ટોપ સ્ટોરી
ટ્રેન્ડિંગ સમાચાર
