તહેવારની સીઝનમાં જ Flipkartને ફટકો, CFOએ આપ્યું રાજીનામું

ફ્લિપકાર્ટની સાથે બવેજાની શરૂઆત તો ઠીક રહી પરંતુ વિતેલા નાણાંકીય વર્ષ દરમિયાન કંપનીનું પ્રદર્શન ખૂબ જ ખરાબ રહ્યું. તે વર્ષે કંપની નવા રોકાણકારોને આકર્ષિત કરવામાં નિષ્ફળ રહી અને હાલના રોકાણકારોએ પણ વધારે રસ દાખવી રહ્યા ન હતા. પરિણામ એ આવ્યું કે કંપનીની ખોટ વધતી ગઈ અને બજારમાંથી પકડ ધીમે ધીમે ઓછી થતી ગઈ જેનો ફાયદો એમેઝોનને થયો. માર્ચ 2015માં ખતમ થતા નાણાંકીય વર્ષ દરમિયાન ફ્લિપકાર્ટને 2000 કરોડ રૂપિયાની ખોટ ગઈ હતી. આ પહેલાના નાણાંકીય વર્ષમાં કંપનીને 715 કરોડ રૂપિયાની ખોટ ગઈ હતી.

અંદાજે બે વર્ષ પહેલા બવેજાએ ફ્લિપકાર્ટમાં સીએફઓ તરીકેની જવાબદારી સંભાળી હતી. તે સમયે ઝડપથી વધતા ઈ કોમર્સના બજારમાં પોતાનું સ્થાન જાળવી રાખવા માટે ફ્લિપકાર્ટ સામે ખોટ ઘટાડવાનો પડકાર હતો. બવેજાને ફ્લિપકાર્ટના આઈપીઓ માટેની તૈયારી કરવાનું પણ કામ સોંપવામાં આવ્યું હતું.