ફોર્ડ ફિગોના ફેસલિફ્ટ વર્ઝનની તસવીરો થઈ લીક, જાણો શું હશે ખાસ

નવી દિલ્હીઃ ફોર્ડ ઈન્ડિયાએ તેની કોમ્પેક્ટ સેડાન એસ્પાયરના ફેસલિફ્ટ વર્ઝનને આ વર્ષે ઓક્ટોબરમાં લોન્ચ કરી હતી. હવે કંપનીએ ફિગો હેચબેકનું ફેસલિફ્ટ વર્ઝન લોન્ચ કરવાની જાહેરાત કરી હતી. ફોર્ડ ફિગોની તસવીરો ઓનલાઇન લીક થઈ છે. ટેસ્ટિંગ દરમિયાન લીક થયેલી તસવીરોમાં ફેસલિફ્ટ ફિગો કવર વગરની જોવા મળી રહી છે.

નવી ફિગો 1.2 લીટર, 3 સિલિન્ડર અને 1.5 લીટર, 3 સિલિન્ડર એમ બે નવા પેટ્રોલ એન્જિન ઓપ્શનમાં બજારમાં ઉતારી શકે છે. આ ઉપરાંત તેમાં 1.5 લીટર TDCI ડીઝલ એન્જિનનો વિકલ્પ પણ મળશે. ફેસલિફ્ટ ફિગોમાં મેન્યુઅલ અને ઓટોમેટિક બંને ગિયરબોક્સનો ઓપ્શન પણ મળવાની સંભાવના છે.