હોન્ડાએ નવા લુકમાં લોન્ચ કરી એક્ટિવા 4G, ઓટોમેટિક હેડ લેમ્પ અને મોબાઈલ ચાર્જ સોકેટથી હશે સજ્જ

એક્ટિવા 4જીમાં BS-IV નોર્મ્સવાળું 110ccનું HET, એર કૂલ્ડ, ફોર સ્ટ્રોક એન્જિન લાગેલ હશે. આ એન્જિન 8bhpના પાવર 7500rpm પર અને 9Nmનો ટોર્ક 5500rpm પર જનરેટ કરે છે. હોન્ડાની એક્ટિવા પોતાના સેગમેન્ટમાં સૌથી વધારે વેચાતા 110ccનું સ્કૂટર છે અને ઘણાં સમયથી ભારતમાં સતત શાનદાર પ્રદર્શન કરી રહ્યું છે. ભારત જ નહીં પરંતુ વિશ્વના સૌથી વધારે વેચાતું સ્કૂટર બની ગયું છે.

સુરક્ષા અને વધારે વિઝિબિલિટી માટે નવા એક્ટિવા 4જીમાં ઓટોમેટિક હેડલેમ્પ ઓન (AHO)ની સુવિધા આપવામાં આવી છે. તેની સાથે જ આ સ્કૂટરમાં મોબાઈલ ચાર્જિંગ સોકેટની પણ સુવિધા મળશે. તેના ફ્રન્ટ લુક પણ નવા ડિઝાઈનમાં છે. હોન્ડા એક્ટિવાના નવા વર્ઝનના સાઈડ પેનલમાં 4જીનું સ્ટિકર જોવા મળશે જ્યારે હવે તેમાં હેડલેમ્પ સ્વિચ નહીં હોય.